పాన్‌ ఇండియా స్టార్‌ ప్రభాస్ ప్రస్తుతం వరుస సినిమా ప్రాజెక్టులతో బిజీగా ఉన్నాడు. యంగ్‌ టాలెంటెడ్‌ డైరెక్టర్ మారుతి కాంబోలో ఇప్పటికే ‘ది రాజాసాబ్’ సినిమా షూటింగ్ జరుపుకుంటున్న ప్రభాస్.. మరో డైరెక్టర్ హను రాఘవపూడి డైరెక్షన్‌లో ‘ఫౌజీ’ అనే సినిమాలో నటించనున్న సంగతి తెలిసిందే. ఈ సినిమాకు సంబంధించిన అనౌన్స్‌మెంట్ ఆగస్టు 17న ఉంటుందని సమాచారం. అయితే, ఈ సినిమాలో ప్రభాస్ సరసన హీరోయిన్ ఎవరనే విషయంపై ఇప్పుడు మరోసారి చర్చ జరుగుతోంది.
రీసెంట్‌గా ఈ సినిమా కోసం అందాల భామ మృణాల్ ఠాకూర్‌ని ఓకే చేశారని.. ప్రభాస్ సరసన ఆమె హీరోయిన్‌గా చేయనున్నారనే వార్తలు వినిపించాయి. దీనికి సంబంధించి సోషల్ మీడియాలో ఓ పోస్ట్‌కి మృణాల్ షాకింగ్ స్టేట్మెంట్ ఇచ్చి అందరికీ పెద్ద షాక్‌ ఇచ్చింది. ఫౌజీ సినిమాలో తాను నటించడం లేదని ఆమె పేర్కొంది. దీంతో ఇప్పుడు ఈ సినిమాలో హీరోయిన్‌గా త్రిషను సెలెక్ట్ చేస్తారనే టాక్ మరోసారి తెరమీదకు వచ్చింది.
గతంలో ప్రభాస్‌తో కలిసి త్రిష మూడు సినిమాలు చేసింది. వీరిద్దరి కెమిస్ట్రీ బాగుంటుందని అభిమానులు కూడా అంటున్నారు. ఇన్నేళ్ల తరువాత మళ్లీ ప్రభాస్ సరసన త్రిష నటిస్తే బాగుంటుందని వారు అనుకుంటున్నారు. అటు దర్శకుడు కూడా త్రిషకే ఛాన్స్ ఇచ్చే అవకాశాలు ఎక్కువగా కనిపిస్తున్నాయట. ఈ సినిమాలోని హీరోయిన్ పాత్రకు ఆమె అయితే పర్ఫెక్ట్‌గా సెట్ అవుతుందని చిత్ర యూనిట్ కూడా అనుకుంటుందట. మరి నిజంగానే ఫౌజీలో హీరోయిన్ ఛాన్స్ త్రిషకే వెళ్తుందా.. లేదా.. అనేది ఎదురు చూడాల్సిందే.
