‘హనుమాన్’ మూవీ తర్వాత తన స్థాయిని అమాంతం పెంచుకున్నాడు యంగ్ హీరో తేజ సజ్జా. ప్రస్తుతం తేజ నటిస్తున్న లేటెస్ట్ మూవీ ‘మిరాయ్’ ఇప్పటికే ప్రేక్షకుల్లో సాలిడ్ అంచనాలు క్రియేట్ చేసింది. దర్శకుడు కార్తీక్ ఘట్టమనేని డైరెక్షన్‌లో తెరకెక్కుతున్న ఈ సినిమా సూపర్ హీరో మూవీగా రానుంది.
ఈ సినిమాలో మంచు మనోజ్ విలన్ పాత్రలో నటిస్తున్న సంగతి తెలిసిందే. అయితే, తాజాగా ఈ సినిమాలో మరో విలక్షణ నటుడు రానా దగ్గుబాటి ఓ కీలక పాత్రలో నటించబోతున్నట్లు తెలుస్తుంది. ఈ పాత్ర కూడా చాలా పవర్‌ఫుల్‌గా ఉండబోతున్నట్లు చిత్ర యూనిట్ చెబుతోంది.
అయితే, ఈ పాత్రకు తొలుత దుల్కర్ సల్మాన్‌ను తీసుకోవాలని మేకర్స్ భావించారట. కానీ, ఆయన బిజీ షెడ్యూల్ కారణంగా ఇప్పుడు ఈ సినిమాలో రానా దగ్గుబాటి జాయిన్ అయినట్లు చిత్ర యూనిట్ చెబుతోంది.
