మెగా కంపౌండ్‌ హీరో అల్లు శిరీష్ నటించిన తాజా చిత్రం ‘బడ్డీ’ మరో రెండు రోజుల్లో థియేటర్లలో సందడి చేసేందుకు రెడీ అవుతుంది. ఈ సినిమాను దర్శకుడు సామ్ ఆంటోన్ డైరెక్ట్ చేయగా, పూర్తి యాక్షన్ థ్రిల్లర్‌గా ఈ సినిమాను చిత్ర బృందం రూపొందిస్తున్నారు. ఇప్పటికే విడుదల అయిన టీజర్, ట్రైలర్లు ‘బడ్డీ’ మూవీపై ప్రేక్షకుల్లో మంచి అంచనాలు క్రియేట్‌ అయ్యేలా చేశాయి.
ఓ టెడ్డీ బియర్ చుట్టూ ఈ మూవీ కథ సాగనుందని ఈ చిత్ర ట్రైలర్ చూస్తే ఇట్టే అర్థమవుతుంది. అయితే, ఈ టెడ్డీ బియర్‌లో ఉన్న నటుడు ఎవరా అని తెలుసుకునేందుకు అభిమానులు ఎంతో ఆసక్తిగా ఉన్నారు. ఈ విషయాన్ని చిత్ర యూనిట్ తాజాగా అభిమానులతో పంచుకుంది. తాజాగా జరిగిన ‘బడ్డీ’ ప్రీ-రిలీజ్ ఈవెంట్‌లో టెడ్డీ బియర్‌లో ఉన్న నటుడు టెడ్డీ గోకుల్ అని తెలిపారు. తమిళ నటుడు టెడ్డీ గోకుల్‌కి ‘బడ్డీ’ సినిమాలో నటించడం సంతోషంగా ఉందని అభిమానులతో పంచుకున్నారు.
ఇక ఈ సినిమాలో ప్రిషా సింగ్, గాయత్రి భరద్వాజ్ హీరోయిన్లుగా చేస్తున్నారు. అలీ, అజ్మల్, ముఖేష్ రిషి ఇతర ముఖ్య పాత్రల్లో యాక్ట్‌ చేస్తున్నారు.
