వెంకీ కుడుముల దర్శకత్వంలో నితిన్ – శ్రీలీల జంటగా వస్తున్న మూవీ రాబిన్ హుడ్. ఇప్పటికే, ఈ సినిమా ప్రచార కార్యక్రమాలు జోరుగా సాగుతున్నాయి. పైగా ట్రైలర్ కూడా చాలా బాగా ఆకట్టుకుంది. ఐతే, తాజాగా ఈ సినిమా శాటిలైట్ అండ్ ఓటీటీ హక్కులు సాలిడ్ రైట్ కి అమ్ముడుపోయాయి. నితిన్ కెరీర్ లోనే భారీ మొత్తానికి ఈ సినిమా హక్కులను కొనుక్కున్నట్టు తెలుస్తోంది. ఓటీటీ స్ట్రీమింగ్ హక్కులను జీ5 సొంతం చేసుకుంటే.. ‘జీ తెలుగు’ శాటిలైట్ హక్కులను సొంతం చేసుకుంది.
కాగా థియేటర్ లో విడుదలైన కొన్ని వారాల తర్వాత ఈ చిత్రం డిజిటల్ ప్లాట్‌ఫామ్‌లలో ప్రీమియర్ అవ్వనుంది. మొత్తానికి ఈ సినిమా కోసం అభిమానులు చాలా ఆసక్తిగా ఎదురు చూస్తున్నారు. ఇక ఈ సినిమా నుంచి వస్తున్న ప్రమోషన్స్ సహా కంటెంట్ మంచి హిట్ టాక్‌ కూడా అందుకున్నాయి. మైత్రి మూవీ మేకర్స్ నిర్మిస్తున్న ఈ సినిమాకి జి.వి. ప్రకాష్ కుమార్ సంగీతం అందించాడు. ఇంతకీ, ఈ సినిమా ఏ రేంజ్ విజయాన్ని అందుకుంటుందో చూడాలి.
