యంగ్‌ హీరో నితిన్‌ సరికొత్త కథతో రాబోతున్న సినిమా రాబిన్‌ హుడ్‌.. చాలా కాలం నుంచి నితిన్‌ ఖాతాలో ఒక్క హిట్‌ కూడా పడలేదు. దాంతో ఈసారి కొంచెం జాగ్రత్తగా కథను ఎంపిక చేసుకొని ఆచితూచి అడుగులు వేస్తున్నాడు. ఈ క్రమంలోనే నితిన్‌ ఎంచుకున్న సినిమానే రాబిన్‌ హుడ్‌. భీష్మా డైరెక్టర్ వెంకీ కుడుముల దర్శకత్వంలో ఈ సినిమా రానుంది.
ఈ సినిమా నుంచి తాజాగా క్రేజీ అప్డేట్ ఒకటి బయటకు వచ్చింది. ఈ సినిమాలో నటించే హీరోయిన్ ఎవరో మేకర్స్ చెప్పేశారు.ఈ సినిమా హీరోయిన్ ను అనౌన్స్ చెయ్యకుండా మూవీ మేకర్స్ ఇప్పటి వరకు సస్పెన్స్ గా ఉంచారు. తాజాగా పోస్టర్ తో హీరోయిన్ ఎవరనే దాని పై ఓ క్లారిటీ ఇచ్చారు. మొదట ఈ సినిమాకు హీరోయిన్ గా రష్మికను అనుకున్నారు. కానీ రష్మిక డేట్స్ కుదరకపోవడంతో ఆ ప్రాజెక్టు నుంచి రష్మిక తప్పకుందట.
ఆ తర్వాత ఈ సినిమాలో హీరోయిన్ గా శ్రీలీల పేరు వినిపించింది. దానికి తగినట్టుగానే ఈ సినిమాలో హీరోయిన్ గా శ్రీలీలను అనౌన్స్ చేస్తూ గ్లింప్స్ కూడా విడుదల చేశారు. దీంతో ఆ వీడియో సోషల్ మీడియాలో తెగ వైరల్ గా మారింది.
