టాలీవుడ్ లో వరుస సినిమాలు చేస్తూ, తనకంటూ ప్రత్యేక సపరేట్‌ ఫ్యాన్ బేస్‌ ను సంపాదించుకున్న నటుడు సుధీర్ బాబు. ఆయన చివరిగా హరోం హర మూవీలో కనిపించి మెప్పించాడు. ఈ చిత్రం బాక్సాఫీసు దగ్గర ఆశించిన ఫలితాన్ని అందుకోలేదు. డిజిటల్ గా మాత్రం మంచి రెస్పాన్స్ ను అందుకుంది. ఈ హీరో తన నెక్స్ట్ మూవీ కోసం రెడీ అవుతున్నాడు.
త్వరలో షూటింగ్ ప్రారంభం కానున్న తన తరువాత సినిమా తెలుగు – హిందీ ద్విభాషా చిత్రం టైటిల్‌ను ఊహించండి. టైటిల్, ఫస్ట్ లుక్ 17న ప్రకటించనున్నట్లు వివరించాడు. అది ఒక ఆది యోగి పేరు. చంద్రుని తలపై కిరీటంగా కలవాడు, ఎర్రని సర్పమాలతో కేశాలను బిగించి ముడివేసిన వాడు అని పేర్కొన్నాడు. ఈ పోస్ట్ పెట్టిన కొద్ది సేపటికే సోషల్ మీడియాలో వైరల్ గా మారింది. సుధీర్ బాబు తదుపరి సినిమా ఏంటి అనేదాని మీద ప్రేక్షకుల్లో ఆసక్తి నెలకొంది.
