మాస్ మహారాజా రవితేజ, అందాల భామ భాగ్యశ్రీ బొర్సె హీరో హీరోయిన్లుగా నటిస్తున్న తాజా సినిమా ‘మిస్టర్ బచ్చన్’ ఇప్పటికే అన్ని పనులు ముగించుకుని విడుదలకు సిద్దంగా ఉంది. ఈ సినిమాను దర్శకుడు హరీష్ శంకర్ ఎంతో ప్రతిష్టాత్మకంగా తెరకెక్కిస్తున్న సంగతి తెలిసిందే. అటు రవి, హారీష్‌ శంకర్ కాంబోలో రాబోతున్న మూడో సినిమా కావడంతో అభిమానులు కూడా ఈ సినిమా కోసం ఎంతో ఆసక్తిగా ఎదురు చూస్తున్న సంగతి తెలిసిందే.
ఇక ఈ సినిమా ప్రమోషన్స్‌లో భాగంగా మూడో సింగిల్ సాంగ్ ప్రోమోను మేకర్స్ తాజాగా విడుదల చేసిన సంగతి తెలిసిందే.‘జిక్కీ’ అంటూ సాగే సాంగ్ ప్రోమో కట్ చాలా అందంగా ఉంది. ఈ ప్రోమోలో భాగ్యశ్రీ బొర్సె అందానికి అభిమానులు ఎవరైనా సరే అలా ఫిదా కావాల్సిందే. ఆమె అందమైన రూపాన్ని చూసేందుకు రవితేజ కూడా ఆమె జాడ కోసం వెతుకుతున్నట్లు మనకు ఈ ప్రోమోలో తెలుస్తుంది. ఈ సాంగ్‌కు వనమాలి లిరిక్స్ అందించగా.. కార్తీక్, రమ్య బెహరా ఆలపించారు.
ఈ పాటకు సంబంధించిన పూర్తి లిరికల్ వీడియోను శనివారం సాయంత్రం 4.59 గంటలకు రిలీజ్ చేయనున్నట్లు మేకర్స్ వెల్లడించారు. ఇక ఈ సినిమాకు మిక్కీ జే మేయర్ అందించిన సంగీతం హైలైట్‌గా ఉండబోతుందని ఇప్పటికే విడుదల అయిన పాటలు ప్రూవ్ చేశాయి. ఈ సినిమాను ఆగస్టు 15న గ్రాండ్ గా థియేటర్లలోకి తీసుకుని రాబోతున్న సంగతి తెలిసిందే.
