యంగ్ హీరో కిరణ్ అబ్బవరం నటిస్తున్న లేటెస్ట్ మూవీ ‘దిల్‌రూబా’ ఇప్పటికే షూటింగ్ పనులు ముగించుకుని రిలీజ్‌కు రెడీ అయ్యింది. తొలుత ఈ చిత్రాన్ని ప్రేమికుల రోజు కానుకగా ఫిబ్రవరి 14న రిలీజ్ చేస్తామని చిత్ర యూనిట్ అనౌన్స్ చేసింది. అయితే, కొన్ని కారణాల వల్ల ఈ సినిమా రిలీజ్ వాయిదా పడింది.
పోస్టర్స్, టీజర్, ట్రైలర్, సాంగ్స్‌తో ప్రేక్షకుల్లో మంచి బజ్ క్రియేట్ చేసిన ఈ సినిమా రిలీజ్ వాయిదా పడటంతో ప్రేక్షకులు ఈ సినిమా కోసం ఆసక్తిగా చూస్తున్నారు. అయితే, తాజాగా ఈ చిత్ర రిలీజ్ డేట్‌ను మార్చి 14న రిలీజ్ చేసేందుకు మేకర్స్ రెడీ అయినట్లు ప్రకటించారు. ఈ చిత్ర కొత్త రిలీజ్ డేట్‌ను వారు అఫీషియల్‌గా అనౌన్స్ చేశారు.
ఇక ఈ సినిమాను పూర్తి రొమాంటిక్ ఎంటర్‌టైనర్‌గా విశ్వ కరుణ్ తెరకెక్కించారు. ఈ సినిమాలో రుక్సర్ ధిల్లోన్ హీరోయిన్‌గా నటించగా సామ్ సి.ఎస్ సంగీతం అందించాడు.
