పవర్‌ స్టార్‌ పవన్‌ కల్యాన్‌ ఓ పక్క సినిమాలు, మరో పక్క రాజకీయాలతో ఫుల్‌ బిజీగా ఉన్నారు. ప్రస్తుతం ఏపీ ఎన్నికల్లో ఆయన బరిలో నిలిచిన సంగతి తెలిసిందే. ఇదంతా రాజకీయంగా పక్కన పెడితే ఆయన ఎప్పుడో మొదలు పెట్టిన హరిహర వీరమల్లు సినిమా ఎప్పుడు పూర్తవుతుంది. ప్రేక్షకుల ముందుకు ఎప్పుడు వస్తుంది అనే విషయం మాత్రం క్లారిటీ లేదు.
కొండ పొలం సినిమా చేసిన తర్వాత క్రిష్ డైరెక్ట్ చేస్తున్న ఈ సినిమా మీద ముందు నుంచి భారీ అంచనాలు ఉన్నాయి. తెలంగాణకు చెందిన పండుగ సాయన్న అనే ఒక బందిపోటు జీవితాన్ని ఆధారంగా చేసుకుని ఈ సినిమాను తెరకెక్కిస్తున్నారని ముందు నుంచి టాక్‌ నడుస్తుంది. అయితే ఈ సినిమా వాయిదాలు పడుతూ వస్తున్న క్రమంలో క్రిష్ సినిమా నుంచి తప్పుకున్నట్లు ప్రచారం జరిగింది.
ఇప్పుడు ఆ ప్రచారానికి ఊతమిస్తూ రెండు రోజుల నుంచి విడుదల చేస్తున్న పోస్టర్లలో క్రిష్ పేరు లేపేసింది చిత్ర బృందం. అయితే క్రిష్ సినిమా నుంచి తప్పుకోవడం వల్లే ఆయన పేరుని సినిమా పోస్టర్ మీద నుంచి తప్పించారని ప్రచారం జరుగుతోంది. అయితే ఈ సినిమా గురించి సమాచారం ఇస్తూ నిర్మాణ సంస్థ మెగా సూర్య ప్రొడక్షన్స్ చేసిన సోషల్‌ మీడియా ఖాతాలో మాత్రం క్రిష్ ట్విట్టర్ అకౌంట్ ని ట్యాగ్ చేశారు. ఒకవేళ క్రిష్ తప్పుకుంటే ఆయన ట్విట్టర్ అకౌంట్ ని ట్యాగ్ చేయాల్సిన అవసరం లేదు.
అయితే సినిమా పోస్టర్ మీద ఆయన పేరు ఎందుకు లేదు అనేదాని మీద మాత్రం క్లారిటీ లేదు. ఆ మధ్య క్రిష్ సినిమా నుంచి తప్పుకోవడంతో నిర్మాత ఏం రత్నం కొడుకు జ్యోతి కృష్ణ ఈ సినిమా నిర్మాణ బాధ్యతలు తీసుకుంటున్నారని ప్రచారం జరిగింది. జ్యోతికృష్ణ గతంలో పలు సినిమాలు డైరెక్ట్ చేసిన అనుభవం ఉండడంతో ఆయన సినిమాని టేకప్ చేశారని అన్నారు.
