‘సంక్రాంతికి వస్తున్నాం’ ట్రైలర్ ఎప్పుడో తెలుసా? ప్రెసెంట్ టాలీవుడ్‌ లో సంక్రాంతి సినిమాల సందడి నెలకొంది. ఈ సంక్రాంతికి ఏకంగా మూడు పెద్ద సినిమాలు పోటీ పడుతుండటంతో ప్రేక్షకుల్లో ఈ సినిమాలపై భారీ అంచనాలు మొదలైయ్యాయి. ఇక ఈసారి ఇద్దరు సీనియర్ హీరోలు, ఓ యంగ్ హీరో బాక్సాఫీస్ దగ్గర పోటీ కి సిద్దంగా ఉన్నారు. నందమూరి బాలకృష్ణ ‘డాకు మహారాజ్’, విక్టరీ వెంకటేష్ ‘సంక్రాంతికి వస్తున్నాం’, రామ్ చరణ్ ‘గేమ్ ఛేంజర్’ చిత్రాలతో ప్రేక్షకులను అలరించేందుకు రెడీగా ఉన్నారు.
ఈ మూడు సినిమాల్లో వెంకటేష్ యాక్ట్‌ చేసిన ‘సంక్రాంతికి వస్తున్నాం’ పూర్తి ఫ్యామిలీ ఎంటర్‌టైనర్ సినిమాగా ఆడియెన్స్‌ను ఆకట్టుకునేందుకు రెడీ అవుతుంది. ఇప్పటికే ఈ సినిమా నుంచి విడుదలైన ప్రమోషనల్ కంటెంట్‌కు సాలిడ్ రెస్పాన్స్ వచ్చింది. అయితే, ఇప్పుడు ఈ సినిమాపై అంచనాలను మరింత పెంచేందుకు చిత్ర యనిట్ ట్రైలర్‌ను విడుదల చేసేందుకు సిద్దమైంది. ‘సంక్రాంతికి వస్తున్నాం’ మూవీ ట్రైలర్‌ను జనవరి 6న విడుదల చేయనున్నట్లు మూవీ టీమ్‌ ప్రకటించింది.
ఇక ఈ ట్రైలర్ లాంచ్‌ను నిజామాబాద్‌లోని కలెక్టర్ గ్రౌండ్‌లో చేయనున్నారు. ఈ మేరకు ఓ పోస్టర్‌ను మేకర్స్ తాజాగా విడుదల చేశారు. దీంతో ఈ మూవీ ట్రైలర్ ఎలాంటి ఎంటర్‌టైనింగ్ కంటెంట్‌తో వస్తుందా అని అభిమానులు ఎంతో ఆసక్తిగా ఎదురు చూస్తున్నారు.
