కోలీవుడ్‌ స్టార్ హీరో ధనుష్ ప్రస్తుతం బ్యాక్ టూ బ్యాక్ సినిమాల్లో నటిస్తూ ఫుల్ బిజీగా ఉంటున్నాడు. ఇటీవల విడుదలైన అన్నీ సినిమాలు కూడా మంచి హిట్ టాక్ ను అందుకున్నాయి. ఇప్పుడు అదే జోష్ కొనసాగిస్తూ మరో సినిమాతో అభిమానుల ముందుకు రాబోతున్నాడు. టాలీవుడ్ టాలెంటెడ్‌ డైరెక్టర్ శేఖర్ కమ్ముల దర్శకత్వంలో కుబేర రూపుదిద్దుకుంటుంది. ఇక ఈ సినిమాలో కింగ్‌ అక్కినేని నాగార్జున కీలక పాత్ర పోషిస్తున్నట్లు చిత్ర బృందం వెల్లడించిన సంగతి తెలిసిందే. ఇప్పటికే ఈ సినిమా షూటింగ్ చాలా వరకు పూర్తి అయ్యింది. తాజాగా ఈ సినిమా నుంచి మరో ఇంట్రెస్టింగ్ న్యూస్ సోషల్ మీడియాలో చక్కర్లు కొడుతుంది.
ఇక ఈ సినిమాలో నాగార్జున పవర్ ఫుల్ పోలీస్ అధికారి పాత్రలో నటిస్తున్నారని చిత్ర బృందం తెలిపింది. ఈ సినిమా కోసం అటు నాగార్జున ఫ్యాన్స్, ఇటు ధనుష్ ఫ్యాన్స్ ఎంతగానో వెయిట్ చేస్తున్నారు. ఇటీవల ఓ ఇంటర్వ్యూ లో కూడా శేఖర్ కమ్ముల ఈ సినిమా స్టోరీని లీక్ చేశాడు. టైటిల్ కు తగ్గట్లే సినిమా కథ ఉండబోతుందని ఇప్పటికే ఓ క్లారిటీ వచ్చేసింది. అంతే కాదు రీసెంట్ గా వచ్చిన నాగ్ పోస్టర్ సినిమా మరింత ఆసక్తిని పెంచింది.
నాగ్ పోలీస్ గా కనిపిస్తే, మరి ధనుష్ రిచ్ మ్యాన్ గా కనిపిస్తారేమో అని ఇండస్ట్రీలో వార్తలు వినబడుతున్నాయి. ఏది ఏమైనా ఈ సస్పెన్స్ తీరాలంటే మాత్రం సినిమాలో చూడాల్సింది. ఇదిలా ఉండగా.. ధనుష్ ఈ సినిమా కోసం అతి పెద్ద సాహసం చేసినట్లే తెలుస్తుంది. ఒక బిచ్చగాడు ముంబై మొత్తాన్ని ఏలే డాన్ గా ఎలా మారాడు…అసలు కథ ఏంటి అనే నేపథ్యంలో రూపొందిస్తున్నారు.
తాజాగా ధనుష్ గురించి ఓ ఇంట్రస్టెంటింగ్‌ వార్త నెట్టింట్లో చక్కర్లు కొడుతుంది. అది ఏంటంటే.. సుమారు పది గంటలసేపు ధనుష్ ఒక చెత్త కుప్ప పక్కనే గడిపాడని, సరైన ఎమోషన్స్ పలికించడం కోసం కనీసం మాస్కు కూడా పెట్టుకోకుండా ఆ పాత్ర కోసం ప్రాక్టీస్ చేశాడని తెలుస్తోంది. మాములుగా ఎవరైనా చెత్త అంటే ఛీ అంటారు. అలాంటి ధనుష్ ఇలా చెయ్యడం పై ఆయన పై ప్రశంసలు కురిపిస్తున్నారు.. నిజంగా ఇలా చెయ్యడమే గ్రేట్ కదా మరి!
