ధనుష్ దర్శకత్వం వహించిన రాయన్ సినిమా ఈ ఏడాది కోలీవుడ్‌లో దాదాపు రూ.150 కోట్ల గ్రాస్‌తో రెండవ అతిపెద్ద హిట్‌ సినిమాగా నిలిచిన సంగతి తెలిసిందే. విమర్శకుల ప్రశంసలు అందుకున్న ప పాండి తర్వాత ధనుష్ దర్శకుడిగా చేసిన రెండో మూవీ ఇది. అతను తరువాత దర్శకత్వం వహించిన మూవీ NEEK (నిలవుకు ఎన్ మేల్ ఎన్నడి కోబమ్) థియేటర్ల లోకి వచ్చేందుకు రెడీగా ఉంది.
కోలీవుడ్‌లో వినిపిస్తున్న లేటెస్ట్ బజ్ ఏమిటంటే, ధనుష్ మరోసారి దర్శకుడి టోపీని పెట్టుకోనున్నాడు. నటుడు అరుణ్ విజయ్ ప్రధాన పాత్రలో ఒక మూవీకి డైరెక్ట్‌ చేయాలని అనుకుంటున్నారు. అరుణ్ విజయ్‌తో ధనుష్ చర్చలు చివరి దశలో ఉన్నాయని, అన్నీ కుదిరితే, అధికారిక ప్రకటన కూడా వచ్చే అవకాశాలు చాలానే కనిపిస్తున్నాయి.
ఈ సినిమాలో ధనుష్ కీలక పాత్ర పోషిస్తారని కొన్ని నివేదికలు కూడా సూచిస్తున్నాయి. ప్రస్తుతం, అరుణ్ విజయ్ బాల వనంగాన్‌తో బిజీగా ఉన్నట్లు సమాచారం. ఈ సినిమా అతి త్వరలోనే ప్రేక్షకుల ముందుకు రానుంది. ఈ ఊహాగానాలు నిజమైతే, అరుణ్ విజయ్ కెరీర్‌లో అది ఒక పెద్ద చిత్రం అవుతుంది. మరోవైపు, ధనుష్ తదుపరి శేఖర్ కమ్ముల కుబేరలో ఓ ముఖ్య పాత్రలో నటిస్తున్న సంగతి తెలిసిందే.
