యంగ్ టైగర్ ఎన్టీఆర్ ఆర్ఆర్‌ఆర్ సినిమా తరువాత నటిస్తోన్న చిత్రం దేవర. ఈ సినిమాని టాలీవుడ్ స్టార్ డైరెక్టర్‌ కొరటాల శివ తెరకెక్కిస్తున్న విషయం తెలిసిందే. ఈ సినిమాలో బాలీవుడ్ ముద్దుగుమ్మ జాన్వీ కపూర్ హీరోయిన్ చేస్తున్న విషయం తెలిసిందే. అలాగే బాలీవుడ్ స్టార్ సైఫ్ అలీఖాన్ విలన్ గా చేస్తున్నారు. యంగ్ మ్యూజిక్ సెన్సేషన్ అనిరుద్ ఈ సినిమాకు సంగీతాన్ని అందిస్తున్న ఈ పవర్ ఫుల్ యాక్షన్ మూవీ కోసం ప్రేక్షకులు ఎంతగానో ఎదురుచూస్తున్నారు.
అయితే ముందుగా ఏప్రిల్‍ 5న దేవర మూవీని రిలీజ్ చేయాలనీ చిత్ర బృందం భావించింది. షూటింగ్ ఆలస్యం కావడంతో ఈ సినిమాను దసరా కానుకగా అక్టోబర్ 10వ తేదీన విడుదల చేస్తున్నట్లు మేకర్స్ ప్రకటించారు.ఇదిలా ఉంటే ఎన్టీఆర్ దేవర రిలీజ్ డేట్ మరోసారి వాయిదా పడుతుందనే వార్త సోషల్ మీడియాలో తెగ షికారు చేస్తుంది
ప్రస్తుతం దేవర రిలీజ్ తేదీల్లో మార్పులు వచ్చే అవకాశం ఉందని ఇండస్ట్రీ లో టాక్ వినిపిస్తుంది .ఈ సినిమాను ఓ రెండు వారాలు ముందుగా విడుదల చేసేందుకు చిత్రబృందం ప్లాన్ చేస్తున్నట్లు సమాచారం.దీనితో ఈ సినిమా షూటింగ్ పనులను త్వరత్వరగా జరిపేందుకు మేకర్స్ చూస్తున్నట్లు తెలుస్తుంది.
బిగ్గెస్ట్ పాన్ ఇండియా చిత్రం గా వస్తున్న ఈ సినిమా కోసం ప్రేక్షకులు ఎంతగానో ఎదురు చూస్తున్నారు.ఈ సినిమాలో సముద్రం బ్యాక్‍డ్రాప్‍లో వచ్చే హైవోల్టేజ్ భారీ యాక్షన్ సీక్వెన్స్‌ ప్రేక్షకుల చేత విజిల్స్ వేయించేలా ఉండనున్నట్లు సమాచారం.
