యంగ్‌ టైగర్ ఎన్టీఆర్ నటిస్తున్న తాజా చిత్రం దేవర. మాస్‌ డైరెక్టర్‌ కొరటాల శివ ఈ సినిమాని తెరకెక్కిస్తున్నారు. ఈ సినిమాలో బాలీవుడ్ ముద్దుగుమ్మ జాన్వీ కపూర్ హీరోయిన్‌ గా నటిస్తోంది. బాలీవుడ్ స్టార్ సైఫ్ అలీఖాన్ ఈ సినిమాలో విలన్ గా నటిస్తున్నాడు.
అలాగే ఎన్టీఆర్ దేవర సినిమాతో పాటు హృతిక్ రోషన్ ప్రధాన పాత్రలో నటిస్తున్న వార్ 2 సినిమాలో ముఖ్య పాత్ర పోషిస్తున్నారు. ప్రస్తుతం ఈ రెండు సినిమా షూటింగ్స్ లో పాల్గొంటూ ఎన్టీఆర్ ఎంతో బిజీ గా ఉన్నాడు. అయితే దేవర సినిమా నుంచి మేకర్స్ ఇప్పటికే రిలీజ్ చేసిన గ్లింప్స్ ఫ్యాన్స్‌ ను బాగా ఆకట్టుకుంది.
దీంతో దేవర సినిమా కోసం అభిమానులు ఎంతో ఆసక్తిగా ఎదురుచూస్తున్నారు. ఇదిలా ఉంటే ఎన్టీఆర్ పుట్టిన రోజుకు ఒక్క రోజు ముందు మే 19న దేవర సినిమా నుంచి ఫస్ట్ సాంగ్ విడుదల చేయనున్నట్లు చిత్ర బృందం ప్రకటించింది.ప్రస్తుతం ఈ సినిమా షూటింగ్ శరవేగంగా జరుగుతుంది. దేవర షూటింగ్ అండమాన్ నికోబార్ దీవుల్లో జరుగునున్నట్లు తెలుస్తుంది. అక్కడ ఎన్టీఆర్, జాన్వీ కపూర్ లపై ఓ రొమాంటిక్ సాంగ్ ని షూట్ చేయబోతున్నారట.
