మాస్ యాక్షన్ హీరో ఎన్టీఆర్ ఆర్‌ఆర్‌ఆర్‌ తరువాత చేస్తున్న సినిమా దేవర. టాలీవుడ్‌ మాస్ డైరెక్టర్‌ కొరటాల శివ ఈ సినిమాను తీర్చిదిద్దుతున్నారు. ఈ సినిమాను యువసుధ ఆర్ట్స్, ఎన్టీఆర్ ఆర్ట్స్ బ్యానర్స్ పై నందమూరి కల్యాణ్ రామ్ ,సుధాకర్ మిక్కిలినేని, కొసరాజు హరికృష్ణ కలిసి సంయుక్తంగా నిర్మిస్తున్నారు.
ఈ సినిమాలో బాలీవుడ్ బ్యూటీ జాన్వీ కపూర్ హీరోయిన్ గా చేస్తున్న విషయం తెలిసిందే.ఈ సినిమాతోనే ఈ భామ తెలుగు ఇండస్ట్రీకి ఎంట్రీ ఇస్తుంది. అలాగే ఈ సినిమాలో బాలీవుడ్ స్టార్ సైఫ్ అలీఖాన్ విలన్ గా చేస్తున్నారు.బిగ్గెస్ట్ యాక్షన్ చిత్రంగా తెరకెక్కుతున్న దేవర సినిమాను ఏప్రిల్ 5 న రిలీజ్ చేయాలనీ మేకర్స్ భావించారు. కానీ కొన్ని అనుకోని కారణాల వల్ల ఈ సినిమా విడుదల వాయిదా పడింది .
అక్టోబర్ 10 న దసరా కానుకగా దేవర సినిమాను రిలీజ్ చేయనున్నట్లు ఎప్పటి నుంచో ప్రచారం నడుస్తుంది. దేవర చిత్రం నుంచి ఇప్పటికే రిలీజ్ అయిన ఫస్ట్ లుక్ పోస్టర్స్ ,గ్లింప్స్ వీడియో సినిమాపై అంచనాలు భారీగా పెంచాయి .ఈ సినిమాకు యంగ్ మ్యూజిక్ సెన్సేషన్ అనిరుద్ మ్యూజిక్ అందిస్తున్నాడు. ఇదిలా ఉంటే మే 20 న ఎన్టీఆర్ పుట్టిన రోజు సందర్భంగా ఫ్యాన్స్ కు చిత్ర బృందం పెద్ద సర్ప్రైజ్ ప్లాన్ చేసారు.
అయితే దసరా కానుకగా వస్తున్నఎన్టీఆర్ దేవర మూవీకి పోటీగా ఎలాంటి పెద్ద సినిమా విడుదల కావట్లేదు.దీనితో దసరాకు ఎన్టీఆర్ సినిమా భారీగా కలెక్షన్స్ రాబట్టే అవకాశం ఉన్నట్లు తెలుస్తుంది.
