టాలీవుడ్‌ యంగ్‌ హీరో తేజ సజ్జా గురించి ప్రత్యేకంగా చెప్పాల్సిన అవసరం లేదు. ఈ ఏడాది సంక్రాంతికి విడుదల అయిన హనుమాన్‌ సినిమా భారీ విజయాన్ని అందుకోవడంతో పాటు భారీగా వసూళ్లను రాబట్టింది. ఈ సినిమా పాన్‌ ఇండియా హిట్‌ అవ్వడంతో తేజ తన తరువాత సినిమాకి రెడీ అయిపోయాడు.
తేజా ఏ డైరెక్టర్ తో సినిమా చేస్తాడా అని ఆయన ఫ్యాన్స్ అనుకున్నారు. ప్రస్తుతం మిరాయ్ అనే భారీ ప్రాజెక్టు లో నటిస్తున్నాడు. హీరో తేజ తన తరువాతి సినిమాను కార్తీక్ ఘట్టమనేని దర్శకత్వంలో చేస్తున్నాడు. ఇతను రవితేజతో ఈగల్ సినిమాను తీశాడు. ఇప్పుడు వీరిద్దరి కాంబోలో వస్తున్న చిత్రానికి ‘మిరాయ్’ అనే టైటిల్ పెట్టారు. ఈ సినిమా నుంచి వచ్చిన అప్డేట్స్ సోషల్ మీడియాలో వైరల్ గా మారాయి. తాజాగా ఈ సినిమాకు సంబంధించిన మరో క్రేజీ వార్త నెట్టింట చక్కర్లు కొడుతుంది..
క్షుద్ర పూజల నేపథ్యంలో ఈ సినిమా వస్తున్నట్లు సమాచారం. ఈ సినిమాలో మంచు మనోజ్, దుల్కర్ లాంటి హీరోలు కూడా కనిపించనున్నారు. దుల్కర్ అయితే ఓ యోధుడి పాత్రలో పాత్రలో మెరువనున్నాడు. మంత్రగాడు పాత్రలో మంచు మనోజ్ నటిస్తున్నాడని సమాచారం. తాజాగా ఈ సినిమా నుంచి క్రేజీ అప్డేట్ వచ్చింది. ఈ సినిమాలో మంచు మనోజ్ పాత్రను విడుదల చేస్తున్నట్లు ప్రకటించింది చిత్ర బృందం. ఈ మేరకు మంత్రగాడి పోస్టర్ కూడా విడుదల చేసింది. ఇక మంచు మనోజ్…ఫుల్ పోస్టర్ను మే 20వ తేదీన ఆయన పుట్టిన రోజు సందర్భంగా విడుదల చేస్తున్నట్లు తెలిపారు. ఈ సినిమాలో రితికా నాయక్‌ హీరోయిన్ గా చేస్తుంది.
