మన టాలీవుడ్ లెజెండరీ హీరో మెగాస్టార్ చిరంజీవి హీరోగా ఇపుడు యువ దర్శకుడు వశిష్ఠ తెరకెక్కిస్తున్న భారీ చిత్రం “విశ్వంభర” కోసం అందరికీ తెలిసిందే. మరి తన నుంచి చాలా కాలం తర్వాత మళ్ళీ స్ట్రైట్ సినిమాగా వస్తున్న ఈ చిత్రం పట్ల మెగా ఫ్యాన్స్ ఎంతో ఆసక్తిగా ఎదురు చూస్తున్నారు. ఇక ఈ సినిమా తర్వాత కూడా మెగాస్టార్ నుంచి క్రేజీ లైనప్ ఉండగా రీసెంట్ గానే యువ దర్శకుడు శ్రీకాంత్ ఓదెలతో అనౌన్స్ చేసిన భారీ చిత్రం కూడా వాటిలో ఓ సినిమా.
మరి ఈ చిత్రం తర్వాత తన లైనప్ లో మళ్ళీ “వాల్తేరు వీరయ్య” కాంబో కూడా ఉన్నట్టుగా ఇపుడు బజ్ వినపడుతుంది. దర్శకుడు బాబీ కొల్లితో వాల్తేరు వీరయ్య భారీ హిట్ అయ్యి ఎలాంటి లాభాలు అందుకుందో తెలిసిందే. అలాంటిది మళ్ళీ ఈ కాంబో అంటే అంచనాలు మరిన్ని ఉంటాయి అని తెలుస్తుంది. మరి దీనిపై అధికారిక క్లారిటీ ఇంకా రావాల్సి ఉంది.
