మ్యాన్‌ ఆఫ్‌ మాసెస్‌ యంగ్‌ టైగర్‌ ఎన్టీఆర్ హీరోగా చేస్తున్న తాజా చిత్రం దేవర. మాస్‌ యాక్షన్‌ డైరెక్టర్‌ కొరటాల శివ ఈ సినిమాని తెరకెక్కిస్తున్న విషయం తెలిసిందే. ఈ సినిమా కోసం ప్రపంచ వ్యాప్తంగా అటు తారక్‌ అభిమానులతో పాటు సినీ ప్రేక్షకులు కూడా ఎంతగానో ఎదురు చూస్తున్నారు. ఈ సినిమాలో బాలీవుడ్‌ భామ జాన్వీ కపూర్‌ హీరోయిన్‌గా నటిస్తున్న ఈ సినిమాలో బాలీవుడ్‌ స్టార్‌ సైఫ్‌ అలీ ఖాన్‌ ప్రతి నాయక పాత్రలో చేస్తున్నట్లు సమాచారం.
దేవర సినిమాని రెండు పార్టులుగా తెరకెక్కిస్తున్నారు. దీని గురించి ఇప్పటికే సినిమా యూనిట్ అధికారికంగా ప్రకటించింది. ఇక ఫస్ట్ పార్టు షూటింగ్‌ ప్రస్తుతం శరవేగంగా జరుగుతోంది. అక్టోబర్‌ 10న దసరా కానుకగా ప్రపంచ వ్యాప్తంగా తెలుగు, హిందీ, తమిళ్‌, కన్నడ, మలయాళంలో ఈ ఫస్ట్ పార్టును అత్యంత భారీగా విడుదల చేయడానికి చిత్ర బృందం సన్నాహాలు చేస్తుంది.
ప్రమోషన్స్ లో భాగం ఈ సినిమా నుంచి ఫస్ట్ సింగిల్ ను ఎన్టీఆర్ పుట్టిన రోజుకు ఒక్కరోజు ముందే రిలీజ్ చేస్తున్నట్టు ప్రకటించిన విషయం తెలిసిందే. ప్రకటించిన దాని ప్రకారం పాట ను ఆదివారం సాయంత్రం విడుదల చేశారు. తెలుగు తో పాటు హిందీ, తమిళ వెర్షన్స్ కి అనిరుధ్ సంగీతం అందిస్తూనే పాట పాడాడు. మూడు నిముషాల 16 సెకన్ల నిడివి గల ఈ పాట కి అయితే గూజ్ బంప్స్ గ్యారెంటీ అంతే.
