తమిళ సినిమా ఇండస్ట్రీలో స్టార్ హీరో రజినీకాంత్ కొత్త సినిమా ‘కూలీ’తో ఈరోజు ప్రేక్షకుల ముందుకు వస్తున్నారు. లోకేష్ కనగరాజ్ దర్శకత్వంలో రూపొందిన ఈ చిత్రంపై విడుదలకు ముందే భారీ అంచనాలు నెలకొన్నాయి. బాక్సాఫీస్ వద్ద ఈ సినిమా ఎలాంటి హంగామా చేస్తుందో తెలుసుకోవాలని అభిమానులు ఆసక్తిగా ఎదురుచూస్తున్నారు.
దేశంలోనే కాకుండా విదేశాల్లో కూడా ఈ సినిమాకు మంచి హైప్ ఏర్పడింది. ముఖ్యంగా ఓవర్సీస్ మార్కెట్‌లో పెద్ద ఎత్తున ప్రీమియర్ షోలు ప్లాన్ చేశారు. దీనివల్ల అక్కడి ప్రేక్షకుల్లోనూ ఉత్సాహం పెరిగింది. అయితే, యూఎస్‌లోని కొన్ని ప్రాంతాల్లో అనుకున్న సమయానికి ముందుగా వేయాల్సిన ప్రత్యేక ప్రీమియర్ షోలు అనివార్య కారణాల వల్ల రద్దు చేసినట్లు సమాచారం.
ఈ పరిణామం రజినీ అభిమానులకు నిరాశ కలిగించింది. అయినప్పటికీ, ఈ సినిమాలో ఉన్న భారీ నటీనటుల బృందం, యాక్షన్ అండ్ ఎంటర్‌టైన్‌మెంట్ కలయిక వల్ల బాక్సాఫీస్ వద్ద సినిమా ఎలా దూసుకెళ్తుందో అన్న కుతూహలం ఇంకా తగ్గలేదు.
