త్వరగా వచ్చేయ్‌ ఆద్య! కన్నడ డైరెక్టర్ ప్రశాంత్ నీల్ డైరెక్షన్‌ లో పాన్ ఇండియా స్టార్ ప్రభాస్ నటించిన పూర్తి మాస్ యాక్షన్ మూవీ ‘సలార్’ బాక్సాఫీస్ దగ్గర ఎలాంటి విజయాన్ని అందుకుందో తెలిసిన విషయమే. మాస్ ఆడియెన్స్, యాక్షన్ లవర్స్‌కు ఫుల్ ట్రీట్ ఇస్తూ ఈ మూవీ సెన్సేషనల్ హిట్‌గా నిలిచింది. ఇక ఈ సినిమాలో ప్రభాస్ యాక్షన్ సీక్వెన్స్‌లకు అభిమానులు ఫిదా అయ్యారు.
ఈ సినిమాలో అందాల భామ శ్రుతి హాసన్ హీరోయిన్‌గా నటించింది. తొలి భాగంలో ఆమె పాత్ర చుట్టూ కథ సాగుతుంది. ఇక ప్రేక్షకులందరూ ‘సలార్-2’ మూవీ ఎప్పుడెప్పుడు వస్తుందా అని ఎంతో ఆసక్తిగా చూస్తున్నారు. కాగా, ఈరోజు పుట్టినరోజు జరుపుకుంటున్న శ్రుతి హాసన్‌కు సలార్ మేకర్స్ తాజాగా శుభాకాంక్షలు అందజేశారు.
సలార్ చిత్రంలో ఆమె చేసిన ఆద్య పాత్రకు సంబంధించి ఓ పోస్టర్‌తో వారు ఈ విషెస్ అందజేశారు. ఆద్యకు బర్త్ డే విషెస్ చెప్పిన సలార్ టీమ్.. ఆమెను తిరిగి సెట్స్‌లో చూడాలని ఆతృతగా చూస్తున్నట్లు.. ఆమె త్వరగా రావాలంటూ.. సోషల్ మీడియాలో పోస్ట్ పెట్టారు. ఇక సలార్-2 చిత్రాన్ని ప్రేక్షకుల ముందుకు ఎప్పుడెప్పుడు తీసుకొస్తారా అని అందరూ ఎంతో ఆసక్తిగా చూస్తున్నారు.
