మెగా పవర్‌ స్టార్‌ రామ్ చరణ్ ప్రస్తుతం పలు భారీ సినిమాలతో బిజీగా ఉన్నాడు. వీటిలో ఆల్రెడీ పాన్ ఇండియా దర్శకుడు శంకర్ తో “గేమ్ ఛేంజర్” అనే భారీ సినిమా చేస్తున్న సంగతి తెలిసిందే. అతి త్వరలోనే ఈ సినిమా పూర్తి కాబోతుందని ఇటీవలే చిత్ర బృందం ప్రకటించిన సంగతి తెలిసిందే.
ఈ మూవీ తర్వాత క్రేజీ ప్రాజెక్టులు మరిన్ని చేయబోతున్న సంగతి తెలిసిందే. అయితే ఈ సినిమాల సంగతి పక్కన పెడితే టాలీవుడ్ ప్రముఖ దర్శకుడు కృష్ణ వంశీ చరణ్ తో సినిమా పై ఇంట్రెస్టింగ్ అప్డేట్‌ ఇచ్చారు. కొన్ని రోజులు క్రితమే తను చరణ్ కోసం సూపర్ స్క్రిప్ట్ రెడీ చేసాను చెర్రీ ఎప్పుడు ఒకే అంటే అప్పుడు సిద్ధం అని తెలిపారు.
కానీ తాజాగా మరో క్లారిటీ కూడా ఇచ్చారు. నేను రెడీనే కానీ ఇప్పుడు చరణ్ చాలా బిజీగా ఉన్నాడు. చరణ్ ఇలాగే తన లైఫ్ లో బిజీ కొనసాగాలని కోరుకుంటున్నాను అంటూ వివరించారు. దీంతో వీరి కాంబినేషన్ లో సినిమా ప్రస్తుతానికి ప్రశ్నార్ధకమే అని తెలుస్తుంది.
