మెగాస్టార్ చిరంజీవి హీరోగా అనిల్ రావిపూడి డైరెక్షన్‌ లో ఓ ఫుల్ కామెడీ ఎంటర్ టైనర్ ప్రేక్షకుల ముందుకు రాబోతుంది. అయితే, ఈ సినిమాలో స్టార్ హీరోయిన్ నయనతార నటించనున్నట్లు, ఆమె భారీ రెమ్యునరేషన్ కూడా తీసుకోబోతున్నట్లు వార్తలు వచ్చాయి. తాజాగా మరో క్రేజీ రూమర్ వినపడుతుంది. ఈ సినిమాలో మెగాస్టార్ కి ఓ సిస్టర్ రోల్ ఉందని.. ఈ పాత్ర చాలా ఎంటర్టైనింగ్ టోన్ లో సాగుతుందని.. ఈ పాత్రలో సీనియర్ హీరోయిన్ జ్యోతిక నటించనున్నట్లు తెలుస్తుంది.
కాగా ప్రస్తుతం వైజాగ్ లో అనిల్ రావిపూడి తన టీమ్ తో సెకండ్ హాఫ్ స్క్రిప్ట్ పని మొదలు పెట్టినట్లు సమాచారం. సెకండ్ హాఫ్ లో చిరంజీవి పాత్రకి ప్రత్యేకమైన యాస, బాడీ లాంగ్వేజ్‌ను అనిల్ రావిపూడి డిజైన్ చేస్తున్నట్లు తెలుస్తుంది. అదేవిధంగా సినిమాలో పూర్తిగా కామెడీ పై దృష్టి సారిస్తున్నారు. ఇక ఈ సినిమా గురించి మెగాస్టార్ ఆ మధ్య మాట్లాడుతూ.. ‘ఈ సినిమా పూర్తిస్థాయి వినోదాత్మక సినిమా అని.. ఈ మూవీ సెట్స్‌లో అడుగుపెట్టేందుకు తాను ఎంతో ఆసక్తిగా ఎదురుచూస్తున్నాను అంటూ చిరు చెప్పుకొచ్చారు.
అనిల్ చెప్పే సీన్స్ గురించి కూడా మెగాస్టార్ మాట్లాడుతూ.. ‘సినిమాలో ఆ సీన్స్ గురించి నాకు చెబుతుంటే కడుపుబ్బా నవ్వుతున్నాను. ఈ సినిమా కచ్చితంగా అభిమానులకు నచ్చుతుంది’ అని మెగాస్టార్ అన్నారు.
