డైరెక్టర్ వివేక్ ఆత్రేయ దర్శకత్వంలో నేచురల్ స్టార్ నాని యాక్ట్‌ చేస్తున్న పాన్ ఇండియా సినిమా ”సరిపోదా శనివారం”. ప్రస్తుతం ఈ సినిమా నిర్మాణం శరవేగంగా జరుగుతోంది, ఇటీవల విడుదలైన మొదటి సింగిల్ గరం గరంకు విశేషమైన స్పందన వచ్చింది. నాని సెకండ్ లుక్ పోస్టర్ రివీల్ అయిన తర్వాత, చిత్ర బృందం చిత్ర కథానాయిక ప్రియాంక అరుల్ మోహన్ ఫస్ట్ లుక్ పోస్టర్‌ను అభిమానుల ముందుకు తీసుకుని వచ్చింది.
ఈ పోస్టర్‌లో, ప్రియాంక చారులత అనే పోలీసు పాత్రలో కనిపిస్తుంది. డీవీవీ ఎంటర్టైన్మెంట్ బ్యానర్‌పై డీవీవీ దానయ్య నిర్మిస్తున్న ఈ ప్రతిష్టాత్మక ప్రాజెక్ట్‌లో ఎస్‌జె సూర్య ప్రతినాయకుడి పాత్రలో నటిస్తున్నసంగతి తెలిసిందే. జేక్స్ బిజోయ్ ఈ చిత్రానికి సంగీతం అందిస్తున్నారు. సరిపోదా శనివారం ఆగస్ట్ 29, 2024న గ్రాండ్ థియేట్రికల్ విడుదల కానుంది. ఈ చిత్రంపై ప్రేక్షకుల్లో, అభిమానుల్లో భారీ అంచనాలు ఏర్పడ్డాయి.
