గ్లోబల్‌ స్టార్‌ రామ్‌ చరణ్ హీరోగా, బాలీవుడ్ బ్యూటీ కియారా అద్వానీ కథానాయికగా , స్టార్‌ డైరెక్టర్ శంకర్‌ దర్శకత్వంలో తెరకెక్కుతున్న పొలిటికలర్ యాక్షన్‌ ఎంటర్‌టైన్‌మెంట్‌ గేమ్ ఛేంజర్. ఈ సినిమాని దిల్ రాజు ఎంతో ప్రతిష్మాత్మకంగా నిర్మిస్తుండగా.. ఈ సినిమాకి సంగీతం తమన్‌ అందిస్తున్నారు.
ఈ సినిమా చివరి దశ షూటింగ్‌ జరుపుకుంటున్నట్లు సమాచారం. ఈ సినిమాని అక్టోబర్ లో విడుదల చేస్తామని ఇప్పటికే చరణ్, దిల్ రాజు పలు సందర్భాల్లో పేర్కొన్నారు. అయితే విషయం ఏమిటంటే, తాజాగా గేమ్ ఛేంజర్ తో పాటు పుష్ప 2, దేవర, కల్కి 2898 ఏడి మూవీస్ నార్త్ రైట్స్ ని అనిల్ తడానీ దక్కించుకున్నారు.
ప్రముఖ హిందీ క్రిటిక్ అండ్ అనలిస్ట్ తరణ్ ఆదర్శ్ తన ట్విట్టర్ లో ఆ విషయం గురించి ఓ పోస్ట్ పెట్టారు. ఆ పోస్ట్ లో గేమ్ ఛేంజర్ రిలీజ్ ని నవంబర్ అని ఆయన పేర్కొన్నారు. దీంతో ఈ మూవీ విడుదల మరొ నెల వాయిదా పడిందనే అనుమానం అందరిలో మొదలైంది. అయితే పక్కాగా గేమ్ ఛేంజర్ రిలీజ్ పై క్లారిటీ రావాల్సి అంటే మేకర్స్ నుండి అఫీషియల్ కన్ఫర్మేషన్ వచ్చే వరకు ఎదురు చూడాల్సిందే.
