మెగా పవర్ స్టార్ రామ్ చరణ్ ప్రస్తుతం గేమ్ ఛేంజర్ సినిమా షూటింగ్ చివరి దశలో ఫుల్‌ బిజీగా ఉన్నాడు. ఈ సినిమాను కోలీవుడ్‌ స్టార్ డైరెక్టర్‌ శంకర్‌ తెరకెక్కిస్తున్నారు. అయితే ఈ సినిమా చివరి షెడ్యూల్ లో రామ్ చరణ్ కు సంబంధించి కొంత మేర షూటింగ్ పెండింగ్ లో ఉంది. ఎప్పుడు స్టార్ట్ చేస్తారనే క్లారిటి కూడా మూవీ టీమ్‌ ఇవ్వలేదు. మరోవైపు ఈ సినిమా డబ్బింగ్ పనులను కూడా మెుదలు పెట్టారు మూవీమేకర్స్. వీలైనంత త్వరగా ఈ సినిమాను ముగించాలని మెగా పవర్ స్టార్ చూస్తున్నాడు.
కాగా తన తరువాత సినిమాను చాలా రోజుల క్రితమే చరణ్ ప్రకటించిన సంగతి తెలిసిందే. ఉప్పెనతో బ్లాక్ బస్టర్ కొట్టిన బుచ్చి బాబు సాన దర్శకత్వంలో చరణ్ నటించబోతున్నాడు. అత్యంత భారీ బడ్జెట్ లో టాలీవుడ్ బడా నిర్మాణ సంస్ధ మైత్రీ మూవీస్ ఈ సినిమాను ఎంతో గ్రాండ్‌ నిర్మించనుంది. ప్రస్తుతం ఉన్న సమాచారం మేరకు… అక్టోబర్ నుండి ఈ సినిమా షూటింగ్ మొదలెట్టాలని ప్లాన్ చేస్తున్నారట చిత్ర యూనిట్.
ఈ లోపు రామ్ చరణ్ తన ఫిజిక్ పై ప్రత్యేక శ్రద్ధ పెట్టనున్నారు. స్పోర్ట్స్ బ్యాక్ డ్రాప్ నేపథ్యంలో ఈ సినిమా తెరకెక్కుతుండగా అందుకోసం బాడీని మరికొంత పెంచి ఫిట్ గా మారేందుకు డైట్ ప్లాన్ మార్చబోతున్నాడట మెగా హీరో. రామ్ చరణ్ కెరీర్ లో 16వ సినిమాగా రాబోతున్న ఈ సినిమాలో రామ్ చరణ్ సరసన బాలీవుడ్ భామ జాన్వీ కపూర్ కథానాయకగా చేస్తుంది.
