టాలీవుడ్ లో యువ హీరో అఖిల్ అక్కినేని ప్రస్తుతం లెనిన్ అనే సినిమాతో బిజీగా ఉన్న విషయం అందరికీ తెలుసు. అయితే సినిమాపై ఫోకస్ చేస్తూనే, ఆయన వ్యక్తిగత జీవితం నుంచి ఓ పెద్ద అప్డేట్ బయటకి వచ్చింది. ఇప్పుడే అక్కినేని ఫ్యామిలీ నుంచి అభిమానులకి మరో గుడ్ న్యూస్ అందింది.
ఇకపోతే, ఈ జూన్ 6న అఖిల్ తన జీవితంలో కీలకమైన అడుగు వేయనున్నాడు. అఖిల్, జైనబ్ అనే యువతిని పెళ్లి చేసుకోవడానికి సిద్ధమయ్యాడు. ఈ పెళ్లిని కుటుంబ సభ్యులు ఘనంగా జరిపేందుకు ఏర్పాట్లు చేపట్టారు. ఇకపోతే నాగార్జున ఈ శుభకార్యానికి పలువురు ప్రముఖులను స్వయంగా ఆహ్వానిస్తున్నాడు. ఇప్పటికే తెలంగాణ సీఎం రేవంత్ రెడ్డిని కలసిన నాగార్జున, తాజాగా ఆంధ్రప్రదేశ్ ముఖ్యమంత్రి చంద్రబాబుని కూడా కలిసి పిలవడంతో, ఆ విజువల్స్ సోషల్ మీడియాలో వైరల్ అయ్యాయి.
ఇక నటుడిగా నాగార్జున కూడా ఈ మధ్య బిజీగా ఉన్నాడు. త్వరలోనే కూలీ మరియు కుబేర అనే రెండు సినిమాలతో ప్రేక్షకుల ముందుకు రాబోతున్నాడు. ఒకవైపు అఖిల్ పెళ్లి సందడి కొనసాగుతుండగా, మరోవైపు అక్కినేని ఫ్యామిలీ నుంచి వరుసగా సినిమా అప్‌డేట్లు రావడం అభిమానుల్ని మంచి ఉత్సాహంలో ముంచెత్తుతోంది.
