కోలీవుడ్‌ స్టార్ నటుడు ధనుష్ ప్రధాన పాత్రలో టాలీవుడ్ డైరెక్టర్ శేఖర్‌ కమ్ముల డైరెక్షన్‌ లో తెరకెక్కుతున్న తాజా చిత్రం కుబేర. ఈ సినిమాను ప్రకటించినప్పటి నుంచి కూడా సినిమా పై ప్రేక్షకుల్లో ఆసక్తి నెలకొంది. చిత్ర బృందం ధనుష్ ఫస్ట్ లుక్ ను విడుదల చేయగా, సూపర్ రెస్పాన్స్ వచ్చింది.
ఈ చిత్రం లో కింగ్ నాగార్జున ఒక ముఖ్య పాత్రలో నటిస్తున్న విషయం తెలిసిందే. చిత్ర బృందం తాజాగా నాగార్జున పాత్రకి సంబందించిన ఫస్ట్ లుక్ పోస్టర్ ను రిలీజ్ చేసారు. పోస్టర్ ఆడియెన్స్ ను విశేషం గా ఆకట్టుకుంటుంది. నాగార్జున లుక్ పై అభిమానులు ప్రశంసల వర్షం కురిపిస్తున్నారు.
అయితే యంగ్ హీరో నాగ చైతన్య ఈ లుక్ పట్ల పలు ఆసక్తికర వ్యాఖ్యలు చేశారు. ”నాన్న లుక్ చాలా నచ్చింది. చాలా ఇంట్రెస్టింగ్ గా ఉంది అంటూ పేర్కొన్నారు. ఈ సినిమాలో స్టార్ హీరోయిన్ రష్మిక ఫీమేల్ లీడ్ రోల్ లో నటిస్తుంది. దేవి శ్రీ ప్రసాద్ సంగీతం అందిస్తున్న ఈ సినిమా పై ప్రేక్షకుల్లో, అభిమానుల్లో భారీ అంచనాలు నెలకొల్పాయి.
