యంగ్‌ హీరో విశ్వక్సేన్ హీరోగా నటించిన చాలా సినిమాలు ముందు ప్రకటించిన తేదీ కంటే ఆలస్యంగా విడుదలైన దాఖలాలు చాలానే ఉన్నాయి. ఆయన హీరోగా వచ్చిన చివరి సినిమా గ్యాంగ్స్ ఆఫ్ గోదావరి కూడా ప్రకటించిన తేదీ నుంచి 8 నెలల ఆలస్యంగా వచ్చింది. మూడుసార్లు విడుదల తేదీలు మార్చారు. అయితే ఇప్పుడు ఆయన ప్రేక్షకుల ముందుకు మెకానిక్ రాఖీ అనే సినిమాతో వచ్చేందుకు రెడీ అవుతున్నాడు.
నిజానికి ఈ సినిమా షూటింగ్ చాలా కాలం క్రితమే పూర్తయ్యింది. అక్టోబర్ 31వ తేదీన రిలీజ్ తేదీ కూడా ప్రకటించారు. అయితే తాజాగా అందుతున్న సమాచారం మేరకు ఈ సినిమా ఆరోజు కూడా విడుదల అవ్వడం లేదని తెలుస్తోంది. నవంబర్ నెలలో విడుదల చేసేందుకు ప్రణాళికలు సిద్ధం చేస్తున్నారు మూవీ మేకర్స్. ఎందుకంటే ఈ సినిమా కోసం విశ్వక్ సేన్ చాలా కృషి చేశాడు. అయితే ఫైనల్ కట్ చూసిన తర్వాత మూవీలోని కొన్ని ఎపిసోడ్స్ అంతగా బాగా రాలేదని చిత్ర బృందం ఫీల్‌ అయ్యిందంట.
అందుకే మళ్ళీ రీ షూట్ చేసేందుకు ప్రణాళికలు సిద్ధం చేస్తున్నారు. హైదారాబాద్ సిటీలో వేసిన మెకానిక్ షెడ్ లో సినిమాకి సంబంధించిన రీషూట్స్ చేస్తున్నారు. ప్రస్తుతం విశ్వక్ సేన్ నైట్ షిఫ్ట్ లో చిత్రీకరణ చేస్తున్నట్లుగా తెలుస్తోంది. ఇక ఈ సినిమా వాయిదా పడిన సంగతి ఇంకా ప్రకటించలేదు. త్వరలోనే అధికారికంగా ప్రకటించే అవకాశాలు కనిపిస్తున్నాయి. రవితేజ ముళ్ళపూడి ఈ సినిమాతో డైరెక్టర్గా పరిచయం అవుతున్నాడు. ఇక మీనాక్షి చౌదరి ఈ సినిమాలో విశ్వక్సేన్ సరసన హీరోయిన్‌ గా చేస్తున్న సంగతి తెలిసిందే.
