నేచురల్ స్టార్ నాని రీసెంట్‌గా ‘సరిపోదా శనివారం’ మూవీతో ప్రేక్షకుల ముందుకు వచ్చి భారీ హిట్ ను అందుకున్నాడు. వివేక్ ఆత్రేయ డైరెక్ట్ చేసిన ఈ సినిమా యాక్షన్ ఎంటర్‌టైనర్‌గా ప్రేక్షకులను ఆకట్టుకోవడంలో ఫుల్‌ సక్సెస్ అయ్యింది. ఈ సినిమా సక్సెస్‌ను ఎంజాయ్ చేస్తున్న నాని, ప్రేక్షకులు మరో ట్రీట్ ఇచ్చేందుకు రెడీ అయ్యాడు.
నాని తన తరువాత సినిమాకి సంబంధించిన అనౌన్స్‌మెంట్‌ను చేయడానికి రెడీ అయ్యాడు. నాని కెరీర్‌లో 32వ చిత్రంగా రాబోతున్న ఈ సినిమాకు సంబంధించిన అఫీషియల్ అనౌన్స్‌మెంట్ సెప్టెంబర్ 5న ఉదయం 11.04 గంటలకు చేయబోతున్నట్లు నాని ప్రకటించాడు. ఈ మేరకు ఓ పోస్టర్‌ను కూడా ఆయన విడుదల చేశాడు.
రక్తం మరక ఉన్న చేతితో కారు స్టీరింగ్‌ను పట్టుకుని ఉన్న ఈ పోస్టర్ ఈ సినిమా పై మరింత ఆసక్తిని పుట్టిస్తుంది. దీనికి డైలాగ్ క్యాప్షన్‌గా హిందీలో ‘‘హా..తో..?’’ అని పోస్టర్‌పై ఉంది. దీంతో ఈ పోస్టర్ చూసిన అభిమానులు ఇది ‘హిట్’ చిత్రాల ఫ్రాంచైజీలో రాబోయే సినిమా అని.. ఇందులో నాని అర్జున్ సర్కార్ అనే పోలీస్ ఆఫీసర్ పాత్రలో నటిస్తాడని కామెంట్లు వినపడుతున్నాయి. మరి నాని కెరీర్‌లో తెరకెక్కనున్న 32వ ప్రాజెక్ట్ నిజంగానే ‘హిట్-3’ చిత్రమా లేక వేరొక సినిమానా అనేది సెప్టెంబర్ 5న తెలిసిపోతుంది.
