వారితో కలిసి వర్కౌట్లు చేస్తున్న బన్నీ భార్య! ఐకాన్ స్టార్ అల్లు అర్జున్ సినిమాలకు ఎంత ఇంపార్టెన్స్ ఇస్తాడో.. కుటుంబానికి కూడా అంతకంటే ఎక్కువ ఇంపార్టెన్స్ ఇస్తాడు. సమయం దొరికినప్పుడల్లా తన భార్య, పిల్లలతో ఎక్కువ సమయం గడుపుతుంటాడు. అటు ఆయన భార్య అల్లు స్నేహ కూడా పిల్లలతో సమయం గడిపేందుకు ఎక్కువ టైమ్‌ ని కేటాయిస్తుంటుంది. తమ పిల్లలకు అన్ని విషయాల్లోనూ మంచి, చెడుల గురించి చెప్పడమే కాకుండా.. వాటిని ఆమె ఫాలో అయ్యేలా చూస్తున్నారు కూడా . తమ ఆరోగ్యంపై వారికి చిన్నతనం నుండే అవగాహన వచ్చేలా ఆమె చూస్తున్నారు. తాజాగా ఆమె రోజూ చేసే వర్కౌట్స్‌ను తన పిల్లలు అయాన్, ఆర్హలకు కూడా నేర్పిస్తున్నారు. దీనికి సంబంధించి తన ఇన్‌స్టాగ్రామ్‌లో ఓ వీడియోను కూడా ఆమె పోస్ట్ చేశారు. ఇలా పిల్లలకు చిన్నతనం నుండే ఆరోగ్యం పట్ల అవగాహన తీసుకురావడం చాలా మంచిదని ఈ వీడియో చూసిన నెటిజన్లు కామెంట్ చేస్తున్నారు.
