అల్లు అర్జున్ సినిమాల లైనప్ లో భారీ మార్పులు చేర్పులు చోటు చేసుకునే అవకాశాలు కనిపిస్తున్నట్లు సమాచారం. వాస్తవానికి అల్లు అర్జున్ ప్రస్తుతం పుష్ప 2 సినిమా షూటింగ్ పనుల్లో ఫుల్‌ బిజీగా ఉన్నాడు. పుష్ప రెండో భాగాన్ని ఇప్పటికే అభిమానుల ముందుకు తీసుకు రావాల్సి ఉండగా.. షూటింగ్ ఆలస్యం అవ్వడంతో డిసెంబర్ నెలలో విడుదల చేయబోతున్నారు. ఈ సినిమా పూర్తి అయిన వెంటనే ఆయన అట్లీ దర్శకత్వంలో బన్నీ ఓ సినిమా చేయాల్సి ఉంది. కానీ ఆ సినిమా ఆటకెక్కింది ప్రస్తుతానికి ఆ సినిమా చేయకూడదు అనే నిర్ణయం తీసుకున్నారు.
అయితే ఈ సినిమా తర్వాత జైలర్ ఫేమ్ నెల్సన్ దిలీప్ కుమార్ తో ఒక సినిమా చేయడానికి బన్నీ రెడీ అయ్యాడు. అయితే ఆ సినిమా కూడా ఇప్పట్లో పట్టాలు ఎక్కే అవకాశాలు కనపించడం లేదు. అల్లు అర్జున్ ఇమీడియట్ ప్రాజెక్ట్ త్రివిక్రమ్ శ్రీనివాస్ తోనే ఉండే అవకాశం కనిపిస్తోంది. పుష్ప విడుదల అయిన తర్వాత కొంత గ్యాప్ తీసుకుని 2025 మేలో త్రివిక్రమ్ సినిమా మొదలుపెట్టే అవకాశాలున్నాయి.
త్రివిక్రమ్ సబ్జెక్ట్ చాలా భారీగా కల్కి రేంజ్‌ లో ఉండే అవకాశం ఉన్నట్లు ప్రచారం జరుగుతుంది.ఈ నేపథ్యంలో ఈ సినిమాని 2027 జనవరి రిలీజ్ చేసే యోచనలో కూడా ఉన్నట్లుగా ప్రచారం జరుగుతోంది. ఇప్పటివరకు త్రివిక్రమ్ చాలా వరకు సాంఘిక సినిమాల చేస్తూ వచ్చాడు కానీ బన్నీతో మొట్ట మొదటి సారిగా మైథలాజికల్ టచ్ ఉన్న సినిమా చేయడానికి రంగం సిద్ధం చేసుకున్నట్లుగా సమాచారం.
ఇప్పుడు అలాంటి సినిమాలకి డిమాండ్ ఉన్న నేపథ్యంలో త్రివిక్రమ్ శ్రీనివాస్ స్క్రిప్ట్ పూర్తి చేసుకునే పనిలో ఉన్నట్లు సమాచారం.
