ఐకాన్‌ స్టార్‌ అల్లు అర్జున్ – క్రియేటివ్ డైరెక్టర్ సుకుమార్ కలయికలో ఎంతో ప్రతిష్టాత్మకంగా రాబోతున్న మూవీ పుష్ప 2: ది రూల్. కాగా ‘పుష్ప2’ త్వరగా పూర్తి చేయడానికి అల్లు అర్జున్ మరోసారి రంగంలోకి దిగబోతున్నట్లు సమాచారం. విదేశాల నుంచి వెకేషన్‌ కి వెళ్లి తిరిగి వచ్చిన బన్నీ వచ్చే నెల మొదటి వారం నుంచి తిరిగి ‘పుష్ప2’ సెట్లోకి అడుగు పెట్టబోతున్నాడు. ఆల్ రెడీ రామోజీ ఫిల్మ్‌ సిటీలో శనివారం నుంచే ఇతర నటులపై కొన్ని సన్నివేశాల్ని సుకుమార్ మొదలు పెట్టిన సంగతి తెలిసిందే.
ఇప్పుడు బన్నీ కూడా డేట్స్ ఇవ్వడంతో పుష్ప 2 షూటింగ్ శరవేగంగా జరగబోతుంది. ‘పుష్ప: ది రైజ్‌’కి కొనసాగింపుగా రూపొందుతున్న చిత్రమే ‘పుష్ప2’. అల్లు అర్జున్ – రష్మిక జంటగా యాక్ట్‌ చేస్తున్న సంగతి తెలిసిందే. మైత్రీ మూవీ మేకర్స్‌ సంస్థ నిర్మిస్తోంది. డిసెంబరు 6న ఈ చిత్రాన్ని ప్రేక్షకుల ముందుకు తీసుకురాబోతున్నారు. మొత్తానికి ‘పుష్ప 2’ కోసం ఫ్యాన్స్ మరింత ఆసక్తితో ఎదురు చూస్తున్న సంగతి తెలిసిందే. ఈ చిత్రానికి దేవి శ్రీ ప్రసాద్ సంగీతం అందిస్తున్నారు.
