ఐకాన్ స్టార్ అల్లు అర్జున్, త్రివిక్రమ్ శ్రీనివాస్‌ తో ఓ కొత్త ప్రాజెక్ట్ ను ఇప్పటికే అధికారికంగా అనౌన్స్ చేసిన సంగతి తెలిసిందే. అయితే, 2025 ఏప్రిల్‌లో ఈ సినిమా ప్రారంభం కావచ్చు అనే టాక్‌ వినపడుతుంది. ప్రస్తుతం త్రివిక్రమ్ ఈ సినిమా స్క్రిప్ట్ పై ఉన్నారు. పైగా త్రివిక్రమ్ మొదటి పాన్ ఇండియా సినిమా. అందుకే, కథ విషయంలో చాలా జాగ్రత్తలు తీసుకుంటున్నారు. ఈ నేపథ్యంలోనే స్క్రిప్ట్ లో మైథలాజికల్ టచ్ ఇచ్చారు. అలాగే, సినిమాలో హిస్టారికల్ ఎలిమెంట్స్ కూడా ఉంటాయని తెలుస్తోంది. ముఖ్యంగా చారిత్రాత్మక వీరుడైన చెంఘీజ్ ఖాన్ చరిత్ర ఆధారంగా ఈ సినిమా తెరకెక్కనుందని సమాచారం.
కాగా జులాయి, సన్ ఆఫ్ సత్యమూర్తి, మరియు అల వైకుంఠపురములో వంటి సూపర్ హిట్‌ల తర్వాత, అల్లు అర్జున్ – త్రివిక్రమ్ కాంబో మరోసారి రిపీట్‌ కానుంది. ఈ మూవీ ప్రపంచ వ్యాప్తంగా పాన్ వరల్డ్ చిత్రంగా విడుదల అవ్వనుంది. ఇక ఈ సినిమాని భారీ బడ్జెట్ తో తెరకెక్కించనున్నారట. మొత్తానికి తమ నాలుగో చిత్రాన్ని త్రివిక్రమ్ – బన్నీ చాలా గ్రాండ్ గానే ప్లాన్ చేసినట్లు సమాచారం. హారిక & హాసిని క్రియేషన్స్, గీతా ఆర్ట్స్ కలిసి ఈ భారీ బడ్జెట్ సినిమాని నిర్మించబోతున్నారు. ఈ సినిమాకి సంగీత దర్శకుడు థమన్‌ సంగీతాన్నిఅందించనున్నాడు.
