గ్లోబల్ స్టార్ రామ్ చరణ్ నటిస్తున్న తాజా చిత్రం ‘పెద్దీ’ ప్రస్తుతం షూటింగ్ దశలో ఉండగా, ఈ సినిమా రోజు రోజుకూ మంచి బజ్‌ను సొంతం చేసుకుంటోంది. దర్శకుడు బుచ్చిబాబు సానా ఎంతో ప్రతిష్టాత్మకంగా తెరకెక్కిస్తున్న ఈ చిత్రం ఓ రూరల్ స్పోర్ట్స్ డ్రామా కానుండటంతో ప్రేక్షకుల్లో ఆసక్తి మరింత పెరిగింది. ఇప్పటికే రిలీజ్ అయిన చిన్న గ్లింప్స్‌కి ప్రేక్షకుల నుంచి అద్భుత స్పందన రావడంతో సినిమాపై ఉన్న హైప్ మరింత పెరిగింది.
ఇక తాజాగా ఈ సినిమా సెట్స్‌లో జరిగిందొక ఇంట్రెస్టింగ్ సంఘటన సోషల్ మీడియాలో వైరల్‌గా మారింది. షూటింగ్ మధ్యలో బుచ్చిబాబు, రామ్ చరణ్‌తో తీసుకున్న సెల్ఫీని తన ఇన్‌స్టాగ్రామ్‌లో పంచుకున్నాడు. ఆ ఫోటోకి ఓ సుపరిచిత ప్రేమగీతాన్ని జతచేయడం ద్వారా తన అభిమానాన్ని బుచ్చిబాబు చరణ్‌కి వ్యక్తం చేశాడు. దీంతో ఆ ఫోటో సోషల్ మీడియా వేదికలపై వేగంగా పాకుతోంది.
ఇప్పటికే రామ్ చరణ్ కొత్త లుక్ అందరినీ ఆకట్టుకుంటుండగా, సినిమాలో జాన్వీ కపూర్ హీరోయిన్‌గా నటిస్తోంది. ఈ సినిమాలో సంగీతం అందిస్తున్నది లెజెండరీ కంపోజర్ ఏఆర్ రెహమాన్ కావడంతో మ్యూజికల్‌గా కూడా మంచి అంచనాలు ఏర్పడ్డాయి. మొత్తం మీద ఈ సినిమాతో రామ్ చరణ్, బుచ్చిబాబు కాంబినేషన్ బాక్సాఫీస్‌పై పెద్ద సెన్సేషన్‌కు కారణం కానుందని ఫ్యాన్స్ మక్కువగా ఎదురుచూస్తున్నారు.
