నటసింహం నందమూరి బాలకృష్ణ గారికి పుట్టినరోజు శుభాకాంక్షలు తెలుపుకుంటూ, ఇప్పుడు టాలీవుడ్‌లో హాట్ టాపిక్‌గా మారింది ఆయన తాజా సినిమా “అఖండ 2 తాండవం” టీజర్. బాలయ్య మాస్ సినిమాల్లో స్పెషలిస్టే. గతంలో బి.గోపాల్ దర్శకత్వంలో ఆయన చేసిన సినిమాలు ఎంత దూకుడుగా, మాస్ ఎలివేషన్‌తో నిండివుంటాయో మనందరికీ తెలుసు. ఇప్పుడు ఆ స్థాయిలోనే ఈ తరం దర్శకుల్లో బాలయ్యకి జోడీ పడిన దర్శకుడు అంటే అది బోయపాటి శ్రీను అని చెప్పడంలో ఎలాంటి సందేహం లేదు.
ఇద్దరూ కలిసి ఇప్పటికే మూడు సినిమాలు చేశారు. ప్రతి సినిమా ఒక్కదానికొకటి మించి ఘనవిజయం సాధించాయి. బాలయ్య – బోయపాటి కాంబినేషన్ అంటే అభిమానులకు ఒకే ఒక్క అభిప్రాయం ఉంటుంది. ఆన్ స్క్రీన్ మాస్ ఫెస్టివల్. ఇప్పుడు వాళ్లిద్దరూ మళ్లీ కలసి చేస్తున్న నాలుగో సినిమా “అఖండ 2 తాండవం”.
ఈ సినిమా నుంచి వచ్చిన టీజర్ ప్రస్తుతం సోషల్ మీడియాలో ట్రెండింగ్‌గా మారింది. సాధారణంగా బోయపాటి సినిమాలంటే కథ కన్నా మాస్ డైలాగులు, పవర్ ఫుల్ ఫైట్స్, ఎమోషన్స్‌కే ప్రాధాన్యత ఇస్తారు. అదే ఫార్ములా ఈ టీజర్‌లో కూడా కనిపించింది. కొన్ని షాట్స్‌పై స్పందనలు మిశ్రమంగానే ఉన్నా, మొత్తం మీద చూస్తే మాస్ ఆడియెన్స్ మాత్రం టీజర్‌ని చాలా ఎంజాయ్ చేస్తున్నారు.
తక్కువ సమయంలోనే బాలయ్య ట్యూన్‌లోకి వచ్చేస్తున్న పవర్ ఫుల్ డైలాగులు, బోయపాటి స్టైల్ ఫైటింగ్ బ్లాక్స్ చూసి అభిమానులు థియేటర్లలో కలెక్షన్ల తాండవం ఎలా ఉండబోతుందో ఊహించేస్తున్నారు. టీజర్ ద్వారా బోయపాటి తనదైన మాస్ టచ్‌తో మళ్ళీ ప్రేక్షకుల్లో అంచనాలు పెంచేశారని చెప్పవచ్చు.
ఇదంతా చూస్తుంటే బోయపాటి – బాలయ్య కాంబో మళ్లీ మాస్ స్క్రీన్‌పై అఖండ స్థాయిలో రచ్చ చేసేందుకు సిద్ధమవుతోందని స్పష్టంగా కనిపిస్తోంది.
