పాన్‌ ఇండియా స్టార్‌ హీరో ప్రభాస్ నటిస్తున్న మోస్ట్‌ అవైటెడ్‌ సినిమా కల్కి 2898 ఏడీ . ఈ సినిమాని మహానటి ఫేమ్‌ నాగ్‌ అశ్విన్‌ పాన్‌ వరల్డ్‌ సినిమాగా తెరకెక్కిస్తున్నాడు. ఈ సినిమాలో బాలీవుడ్‌ బిగ్‌ బి అమితాబ్ బచ్చన్‌ అశ్వత్ధామ పాత్రలో నటిస్తున్న విషయం తెలిసిందే. తాజాగా చిత్ర బృందం విడుదల చేసిన అశ్వత్ధామ గ్లింప్స్‌ ప్రేక్షకులను ఎంతగానో ఆకట్టుకుంది.
అమితాబ్ తన అద్భుతమైన నటనతో అదరగొట్టారు. “కల్కి 2898 AD ” సినిమాను జూన్‌ 27న మేకర్స్ గ్రాండ్ గా విడుదల చేయనున్నారు. తాజాగా చిత్ర బృందం ఈ సినిమా ప్రమోషన్స్ మొదలు పెట్టారు. ప్రమోషన్‌లో భాగంగా ఈ చిత్రంలోని ‘బుజ్జి’ క్యారెక్టర్ ను మేకర్స్ ఇటీవల పరిచయం చేశారు.
బుజ్జి ఒక రోబోట్ కార్. అలాగే ఈ సినిమాలో ప్రభాస్ కు క్లోజ్ ఫ్రెండ్. ఈ బుజ్జి పాత్రకు కీర్తి సురేష్ డబ్బింగ్ చెప్పిన విషయం తెలిసిందే. ఇదిలా ఉంటే ‘కల్కి 2898’ సినిమా పై అమితాబ్ బచ్చన్‌ ప్రశంసలు కురిపించారు. దర్శకుడు నాగ్‌అశ్విన్‌ అద్భుత ఆలోచనాశక్తి తనను ఆశ్చర్యానికి గురిచేసిందని ఆయన అన్నారు. షూటింగ్‌ చేస్తున్న సమయంలోనే కల్కి మూవీ భారీ విజయం సాధిస్తుందనే భావన కలిగింది. ముఖ్యంగా ఈ సినిమాలో కొన్ని సీన్స్‌ చాలా అద్భుతంగా అనిపిస్తాయి.. ఈ సినిమా రిలీజ్ అయిన తరువాత ప్రతి ఒక్కరూ ఎంతగానో ప్రశంసిస్తున్నారని తెలిపారు.ఈ సినిమాలో బుజ్జి పాత్ర ఒక అద్భుతమని అమితాబ్ కొనియాడారు.
