ఐకాన్ స్టార్ అల్లు అర్జున్ ప్రస్తుతం ఓ భారీ స్థాయిలో తెరకెక్కుతున్న పాన్ ఇండియా సినిమాతో బిజీగా ఉన్నారు. ఈ ప్రాజెక్ట్‌కు తమిళ హిట్ డైరెక్టర్ అట్లీ దర్శకత్వం వహిస్తున్నారు. ఇంతవరకు అల్లు అర్జున్ ఎలాంటి స్టోరీలతో కనిపించలేదో, ఇప్పుడు ఆ రేంజ్‌ను దాటి మరింత స్టైలిష్‌గా, ఇంటర్నేషనల్ స్టాండర్డ్స్‌తో ఈ సినిమా రూపొందుతోంది. ఈ సినిమా ప్రారంభమైన తరువాతే అల్లు అర్జున్‌కు గద్దర్ అవార్డు లభించింది. ఇదే అవార్డ్స్ ఫంక్షన్‌కు యువ నటి నివేతా థామస్ కూడా హాజరయ్యింది.
నివేత గతేడాది ‘35 చిన్న కథ కాదు’ అనే చిత్రంతో ఆకట్టుకున్నారు. చిన్న సినిమాగా వచ్చినా ఆ మూవీకి మంచి స్పందన వచ్చింది. గద్దర్ అవార్డ్స్ వేడుక సందర్భంగా అల్లు అర్జున్‌తో కలిసి ఒక ఫొటో తీసుకుని, సోషల్ మీడియా ద్వారా షేర్ చేశారు నివేత. ఆ ఫొటోలో ఇద్దరూ ఎంతో గ్రేస్‌ఫుల్‌గా కనిపించగా, ఆమె ఇచ్చిన క్యాప్షన్ “సరస్వతి అండ్ పుష్ప” అని ఉండడం ఆసక్తికరంగా మారింది. దీంతో ఆ ఫోటో వెంటనే వైరల్ అయింది.
ప్రస్తుతం నివేత థామస్ కొత్తగా ఏ సినిమాలోనూ నలుగురికి తెలిసే విధంగా సైన్ చేసినట్టు సమాచారం లేదు. అయితే త్వరలోనే ఆమె నుంచి కొత్త ప్రాజెక్టులపై క్లారిటీ వచ్చే అవకాశం ఉంది. అటు అల్లు అర్జున్ సినిమా విషయంలో కూడా మరిన్ని అప్‌డేట్స్ కోసం అభిమానులు ఆసక్తిగా ఎదురుచూస్తున్నారు.
