Home Blog Page 1015

గులకరాయి హత్యాయత్నం.. కేసు సెక్షన్లు మారుతాయా!

వైఎస్సార్ కాంగ్రెస్ అధినేత జగన్మోహన్ రెడ్డి నుదుటిమీద గులకరాయి చేసిన గాయం కేసు రకరకాల మలుపులు తిరుగుతోంది. నిన్నటిదాకా క్యాట్ బాల్ తో రాయిని విసిరారని, ఎయిర్ గన్ తో ప్రొఫెషనల్స్ తో షూట్ చేయించారని రకరకాల కథనాలు ప్రచారంలో పెట్టారు. అంత తీవ్రమైన దాడి చేసిన కారణంగా 307 సెక్షన్ కింద హత్యాయత్నం  కేసులు నమోదు చేశారు. రాయివచ్చి తగిలినందుకు అలాంటి సెక్షన్ కింద కేసులుపెట్టడం చర్చనీయాంశం అయింది. అయితే ఎయిర్ గన్ తో షూట్ చేయడం వంటి కారణాలు చెప్పారు. కానీ, తాజాగా విజయవాడ నగర పోలీసు కమిషనర్ వెల్లడించిన వివరాలను గమనిస్తోంటే.. కేసు సెక్షన్లు మార్చవచ్చునేమో అనే అభిప్రాయం కలుగుతోంది.

పోలీసులు ఈ కేసులో దర్యాప్తు చాలా ముమ్మరంగా సాగిస్తున్నారు. ఆ ప్రాంత పరిధిలో ఉండే సెల్ ఫోన్ డంప్ ను సేకరించి.. ఒక నెంబరు నుంచి ఎక్కువ కాల్స్ మాట్లాడిన వారి డేటాను సేకరిస్తున్నారు. ఇప్పటిదాకా మీడియాలో చెలామణీ అవుతున్న వీడియోక్లిప్ లను మాత్రమే కాకుండా, సభలో ఉండి, జగన్ ను వీడియో తీస్తూ ఉండిన సాధారణ ప్రజల ఫోన్లలోంచి కూడా వీడియోలను సేకరించి.. రాయి విసిరిన వ్యక్తి నిల్చున్నట్టుగా భావిస్తున్న ప్రాంతాన్ని పరిశీలిస్తున్నారు. మొత్తానికి కమిషనర్ కాంతి రాణా టాటా మాట్లాడుతూ.. ఒక వ్యక్తి బలంగా రాయి విసిరినట్టు గుర్తించాం అని ప్రకటించడం విశేషం.

అంటే ఇక్కడ ఒక విషయంలో క్లారిటీ వచ్చేసింది. ఎయిర్ గన్, లేదా క్యాట్ బాల్ వాడడం అనేది జరగలేదన్నమాట. ప్రొఫెషనల్స్ తో చేయించిన హత్యా ప్రయత్నం లాంటిది అనే ప్రచారం దీనితో తేలిపోయినట్టే. చేత్తో రాయి విసిరి వ్యక్తిని చంపేస్తారనేది హాస్యాస్పదంగా ఉంటుంది. చేత్తోనే రాయి విసిరారని గుర్తించినట్టు సీపీ చెబుతున్నందున.. కేసు నమోదు చేసిన సెక్షన్లను కూడా మార్చవచ్చునని ప్రచారం జరుగుతోంది.

పైగా హత్యాయత్నం సెక్షన్ల కింద కేసు పెట్టడం విమర్శలకు గురవుతోంది. గతంలో చంద్రబాబు మీద రాళ్ల దాడి జరిగింది. చంద్రబాబు సెక్యూరిటీ సిబ్బంది అడ్డుగా నిలవడంతో అతని గడ్డానికి తీవ్రమైన గాయం అయింది. అప్పట్లో తెలుగుదేశం వాళ్లు కేసు పెడితే.. 324 సెక్షను కింద కేసు పెట్టారు. ప్రమాదకరమైన ఆయుధంతో దాడి అనే సెక్షను కిందకి అది వస్తుంది. అలాకాకుండా జగన్ మీద ఇంకా చిన్న రాయి పడే సరికి హత్యాయత్నం కింద కేసు పెట్టడం చోద్యంగా ఉంది. కొన్ని రాళ్లు సంఘటన స్థలంలో దొరికాయని, ఏ రాయి వచ్చి తగిలిందో ఇప్పుడే చెప్పలేమని కాంతిరాణా అంటున్నారు. మొత్తానికి పోలీసులు తమ నిష్పాక్షికతను నిరూపించుకోడానికి కేసు సెక్షన్లు మార్చవచ్చునని ప్రజలు అనుకుంటున్నారు.

విజయమ్మ అమెరికా యాత్రపై చింతమనేని సంచలన వ్యాఖ్యలు!

దివంగత ముఖ్యమంత్రి వైఎస్ రాజశేఖర రెడ్డి భార్య, ఇప్పటి ముఖ్యమంత్రి జగన్మోహన్ రెడ్డి తల్లి వైఎస్ విజయమ్మ ప్రస్తుతం అమెరికా వెళ్లిపోయారు. అక్కడ ఉంటున్న తన మనవడు (వైఎస్ షర్మిల కొడుకు) వద్దకు వెళ్లినట్టుగా మీడియాలో వార్తలు వచ్చాయి. ఆమె కేవలం ఇద్దరు ముఖ్యమంత్రులకు కుటుంబసభ్యురాలు మాత్రమే కాదు. వైఎస్సార్ మరణం తర్వాత రాజకీయ వారసురాలిగా పులివెందుల ఎమ్మెల్యేగా నెగ్గిన నాయకురాలు కూడా. అంతే కాకుండా, వైఎస్సార్ కాంగ్రెస్ పార్టీ వ్యవస్థాపన నుంచి గౌరవాధ్యక్షురాలిగా ఉంటూ, పార్టీ అధికారంలోకి వచ్చిన తర్వాత రెండేళ్ల కిందటి వరకు రాజీనామా చేసిన నాయకురాలు. అలాంటి నాయకురాలు.. ఇప్పుడు ఆంధ్రప్రదేశ్ లో కీలకమైన ఎన్నికల వాతావరణం నెలకొని ఉండగా.. తనకేమీ పట్టనట్టుగా అమెరికాలోని మనవడి వద్దకు వెళ్లిపోవడం ఎవరికైనా సరే ఆశ్చర్యం కలిగించే సంగతే.

అయితే ఇందుకు సంబంధించి రకరకాల కారణాలు వినిపించాయి. ప్రధానంగా వైఎస్సార్ కాంగ్రెస్ కోసం ఎన్నికల ప్రచారం నిర్వహించాలని కొడుకు జగన్ ఒత్తిడి చేస్తున్నారని, అది ఇష్టం లేకనే ఆమె అమెరికా వెళ్లిపోయారని వినిపించింది. 2019 ఎన్నికల తర్వాత కొడుకు- కూతురు మధ్య విభేదాలు వచ్చాయి. షర్మిల తెలంగాణలో పార్టీపెట్టుకుంది. విజయమ్మ కొడుకు పార్టీ గౌరవాధ్యక్షురాలి పదవికి రాజీనామా చేసి, ఇక ఏపీ రాజకీయాలతో సంబంధం లేదని, కూతురు వెంట ఉండాలని ప్రకటించింది. తీరా ఇప్పుడు షర్మిల ఏపీ కాంగ్రెస్ కే సారథి అయి.. అన్న జగన్ మీద విమర్శలు సంధిస్తోంది. ఇలా అన్నా చెల్లెళ్ల మధ్య పోరులా రాజకీయాలు తయారయ్యాయి. షర్మిల అంటే ఎక్కువ ప్రేమ ఉన్నప్పటికీ, ఆమె తరఫున ప్రచారానికి వెళ్లి కొడుకును తిట్టలేక.. అలాగని ప్రచారానికి రావాల్సిందిగా కొడుకు ఒత్తిడిని తట్టుకోలేక అమెరికా వెళ్లారని వార్తలొచ్చాయి.

అయితే తాజాగా తెలుగుదేశం పార్టీ మాజీ ఎమ్మెల్యే చింతమనేని ప్రభాకర్ మాత్రం మరో రకం వ్యాఖ్య చేస్తున్నారు. అధికారం కోసం జగన్ కుటుంబసభ్యులను హతమార్చి, తద్వారా ప్రజల సానుభూతి పొందడానికి కూడా వెనుదీయడని అంటున్నారు. గత ఎన్నికలకు ముందు చిన్నాన్న వివేకానందరెడ్డిని హత్య చేయించి ఆ సానుభూతితో గెలిచారని, ఇప్పుడు ఎవరి ప్రాణాలు పోతాయోనని ఆయన కుటుంబసభ్యులు భయపడుతున్నారని అన్నారు. ప్రాణభయంతోనే వైఎస్ విజయమ్మ అమెరికా వెళ్లిపోయినట్లుగా ఆయన చెబుతున్నారు. సీఎం జగన్ కు చంపడం అనేది వెన్నతో పెట్టిన విద్య. ముందు ఆయన కుటుంబసభ్యులే జాగ్రత్తగా ఉండాలి అని ఆయన హెచ్చరిస్తున్నారు.

గత ఎన్నికల్లో కోడి కత్తి సానుభూతి మాదిరిగానే, ఈసారి ఎన్నికలకు ముందు గులకరాయి హత్యాయత్నం ఎపిసోడ్ నడిపిస్తున్నారని, గత ఎన్నికల్లో వివేకా హత్య మాదిరిగానే ఈ ఎన్నికల్లో కుటుంబంలోని ఒకరి హత్య జరగవచ్చునని ఆయన అనడం గమనార్హం. చింతమనేని- సీఎం జగన్ గురించి చేసిన ఈ వ్యాఖ్యలు రాజకీయ వర్గాల్లో సంచలనం సృష్టిస్తున్నాయి. 

కొడాలిని ‘సౌమ్యుడు’ అనడానికి నోరు రాలేదు పాపం!

ముఖ్యమంత్రి జగన్మోహన్ రెడ్డి ఎన్నికల ప్రచారంలో ప్రతిచోటా తన ప్రసంగానికి చివరన- తమ పార్టీ అభ్యర్థులను పరిచయం చేయడానికి రెండు పదాలను నిల్వ ఉంచుకున్నారు! ఒక్కొక్క నియోజకవర్గం నుంచి పోటీ చేస్తున్న ప్రతి అభ్యర్థిని పోడియం దగ్గర నిల్చుకున్న తన వద్దకు పిలవడం, వారి భుజం మీద చేయి వేసి వారి పేరు చెప్పి, ‘‘మంచివాడు సౌమ్యుడు’’ అంటూ రెండు పదాలతో కితాబు ఇవ్వడం అలవాటుగా మార్చుకున్నారు! ఎప్పుడైనా కొన్ని సందర్భాలలో ఆ రెండు పదాలకు తోడు- యువకుడు, ఉత్సాహంతుడు, మీలో ఒకడు, పేదవాడు ఇట్లాంటి పదాలను జత చేస్తుంటారు. వైసిపి అభ్యర్థులలో అనేక అరాచక పోకడలకు నిలయంగా పేరు మోసిన నాయకులను పరిచయం చేసే విషయంలో కూడా ఇప్పటిదాకా ఆయన ఈ రెండు పదాలను విధిగా వాడుతూ వచ్చారు. అలాంటిది గుడివాడ సభలో మాత్రం ఒక అభ్యర్థి గురించి ‘మంచివాడు సౌమ్యుడు’ అని చెప్పడానికి బహుశా జగన్ కూడా మొహమాట పడ్డారు! అంతగా పేరు మోసిన ఆ అభ్యర్థి మరెవ్వరో కాదు కొడాలి నాని!
‘జగమెరిగిన బ్రాహ్మణుడికి జంధ్యమేల’ అన్న సామెత చందంగా కొడాలి నానికి ఆంధ్రప్రదేశ్ రాష్ట్రంలో ప్రత్యేకంగా పరిచయం అనవసరం. ‘‘రాజకీయ నాయకులు- బూతులు’’ అనే సబ్జెక్టు ఎవరికి గుర్తు వచ్చినా సరే, ముందుగా వారు తలుచుకునేది కొడాలి నాని పేరు మాత్రమే! జగన్ కళ్ళలో ఆనందం చూడడమే తన జీవిత పరమావధి అయినట్లుగా ప్రత్యర్థి పార్టీ నాయకులను తీవ్రమైన పదజాలంతో, రాయడానికి వీలుకాని బండబూతులతో నిత్యం తిట్టిపోస్తూ చెలరేగిపోయే వ్యక్తి కొడాలి నాని. భాష మాత్రమే కాదు ఆయన వ్యవహారం, ఆహార్యం కూడా అలాగే అనిపిస్తుంది. అందుకేనేమో తన పక్కన నిలుచున్న కొడాలి నాని గురించి ‘మంచివాడు, సౌమ్యుడు’ అనే పడికట్టు పదాలను జగన్మోహన్ రెడ్డి చెప్పలేకపోయారు. అలా చెబితే.. ప్రచారం యావత్తూ తాను చెబుతున్న ప్రతి మాటా అబద్ధమే అని ప్రజలు అనుకుంటారని ఆయన కూడా భయపడినట్లున్నారు.

కడప జిల్లాలో మొదలెట్టిన దగ్గర నుంచి ఎక్కడ ప్రజా సభ నిర్వహించినా సరే ఆ అభ్యర్థి ఎలాంటి వాడైనా సరే ప్రసంగం చివరలో తన వద్దకు పిలవడం ‘మంచివాడు సౌమ్యుడు’ అంటూ ప్రజలకు పరిచయం చేయడం జగన్ కు అలవాటుగా మారింది. ఈ మాటలు విపరీతంగా ట్రోలింగ్ కూడా గురవుతున్నాయి. అయినా సరే జగన్ సహజంగానే తన తీరు మార్చుకోవడం లేదు. అభ్యర్థుల గుణగణాలు గురించి విడిగా చెప్పడానికి ఆయన కొద్దిగా కూడా కసరత్తు చేయడం లేదు. అదంతా పక్కన పెడితే, కొడాలి నాని విషయంలో ఆ సౌమ్యుడు మంచివాడు అనే పదాలు చెప్పడానికి కూడా జంకారంటే అభ్యర్థి ఎంతటి ఘనుడో అక్కడి ప్రజలు అర్థం చేసుకోవాలని విశ్లేషకులు భావిస్తున్నారు

చంద్రబాబుపై నమ్మకం- వాలంటీర్లలో ధిక్కారం!

వాలంటీర్లను అడ్డగోలుగా ఎన్నికల ప్రచారంలో వాడుకోవాలని, కేవలం ఈ ఎన్నికలలో అనుచితమైన రీతిలో వారి సేవలను వాడుకొని ఓటర్లను, ప్రభుత్వ పథకాల లబ్ధిదారులను ప్రభావితం చేయాలనే కోరికతోనే గత ఐదు సంవత్సరాలుగా వారిని పోషిస్తూ వచ్చాం అనేది అధికార పార్టీ నాయకులు అభిమతం. అయితే ఇప్పుడు వారి కోరికకు భిన్నంగా వాలంటీర్లను ఎన్నికల విధులకు దూరంగా ఉంచాలని కేంద్ర ఎన్నికల సంఘం వి స్పష్టంగా ఆదేశాలు జారీ చేసింది. అదే సమయంలో వాలంటీర్ల ద్వారా పింఛన్ల పంపిణీ ని కూడా ఆపు చేయించింది. అయితే వాలంటీర్లతో రాజీనామాలు చేయించి అయినా సరే ఎన్నికల ప్రచారంలో తమతో పాటు తిప్పుకోవాలని అనుకుంటున్న వైసిపి అభ్యర్థులకు అనేకచోట్ల చేదు ఫలితాలు ఎదురవుతున్నాయి. ‘మేం రాజీనామా చేసేది లేదు పొమ్మని’ వాలంటీర్లు ధిక్కరిస్తున్నారు! చంద్రబాబు నాయుడు వాలంటీర్లకు ఇచ్చిన హామీ- పదివేల వేతనం అనేది వారిని రాజీనామా చేయనివ్వవ్వకుండా అడ్డుకుంటోంది. బాబు ప్రభుత్వం ఏర్పడాలని కోరుకునేలా చేస్తోంది.

వాలంటీర్లను వైయస్సార్ కాంగ్రెస్ పార్టీ నాయకులు తొలినుంచి రకరకాలుగా మభ్యపెడుతూ వచ్చారు. వారికి ఎన్నికల సమయంలో భారీ నగదు కానుకలు కూడా ముట్టజెప్పి తమకు అనుకూలంగా వాడుకోవడానికి ప్రయత్నించారు. మొదటి నుంచి వైఎస్ఆర్ కాంగ్రెస్ పార్టీ నాయకులు కార్యకర్తలను మాత్రమే వాలంటీర్లుగా నియమిస్తూ వచ్చినప్పటికీ వారిలో చంద్రబాబు పట్ల ఒక భయాన్ని కలిగిస్తూ వచ్చారు. చంద్రబాబు నెగ్గితే గనుక వాలంటీర్ల వ్యవస్థ రద్దవుతుంది అనే భయాన్ని పుట్టించి తద్వారా తెలుగుదేశం వ్యతిరేక ప్రచారం జరిగేలాగా వ్యూహరచన చేశారు. కానీ చంద్రబాబు నాయుడు ఇలాంటి కుయుక్తులను తిప్పికొట్టే విధంగా- తాను గెలిచినప్పటికీ వాలంటీర్ వ్యవస్థ ఎప్పటిలాగా అలాగే ఉంటుందని.. అంతేకాకుండా వారిలో ఉన్నత విద్యావంతులైన వారికి పెద్ద జీతాలతో ఇతర కొలువులు వచ్చేలాగా కూడా తాను ఏర్పాటు చేయగలనని ఆశాజనకమైన హామీని ఇచ్చారు.

అదొక్కటే కాదు తెలుగుదేశం పార్టీ ప్రభుత్వంలోకి వచ్చిన తర్వాత రాష్ట్రంలోని వాలంటీర్ల వేతనాలను 10,000 రూపాయలకు పెంచుతానని కూడా చంద్రబాబు నాయుడు హామీ ఇచ్చారు. ఈ నేపథ్యంలో వైఎస్ఆర్ కాంగ్రెస్ పార్టీ కార్యకర్తలే అయినప్పటికీ కూడా జీతం పెరుగుతుందనే ఆశ వారిని చంద్రబాబు విజయాన్ని కోరుకునే లాగా తయారు చేసింది. అందుచేత వాళ్ళు తమకు అనుకూలంగా ప్రజలను ప్రభావితం చేయడానికి మొండికేస్తారు అనే భయం వైయస్సార్ కాంగ్రెస్ పార్టీ నాయకులలో ఏర్పడింది.

ఫలితంగా వారు కొత్త వ్యూహరచనకు సిద్ధపడ్డారు. వాలంటీర్లను ముందుగా రాజీనామా చేయించి నిత్యం తమ వెంట ఉండేలా తమకు అనుకూల ప్రచారంలో పాల్గొనేలా ఎన్నికలలో వాడుకోవాలని అనుకున్నారు. ఈ రెండు నెలల పాటు వారి జీతాలను కూడా తామే చెల్లిస్తాం అని ప్రకటించారు. ఆ మేరకు ఒత్తిడి తెచ్చి బలవంతంగా రాజీనామాలు చేయిస్తున్నారు. వారు తెలుగుదేశానికి అనుకూలంగా ఎవరినీ ప్రభావితం చేయకుండా ఉండేందుకు జాగ్రత్త పడుతున్నారు. ఎన్ని మాయోపాయాలు పన్నుతున్నప్పటికీ కొన్నిచోట్ల వాలంటీర్లు లొంగడం లేదు.
వైసిపి నాయకులు ఎంతగా ఒత్తిడి చేస్తున్నప్పటికీ రాజీనామా చేయడానికి వారు తిరస్కరిస్తూ ధిక్కారస్వరం వినిపిస్తున్నారు. చూడబోతే రాజీనామాలు చేసిన వాలంటీర్లు వైసీపీకి అనుకూలంగా పనిచేస్తారని, రాజీనామా చేయడానికి ఇష్టపడని వాలంటీర్లు అందరూ కూడా చంద్రబాబు తమ వేతనాలు పెంచుతాడనే ఆశతో తెలుగుదేశానికి అనుకూలంగా ఓటర్లను ప్రభావితం చేస్తారని అనిపిస్తోంది.

పవన్ ప్రశ్నకు పోలీసులు జవాబు చెప్పగలరా?

వైసీపీ అధినేత పవన్ కల్యాణ్ పై ఆగంతకుడు గులకరాయి విసిరిన వ్యవహారానికి సంబంధించి.. పోలీసుల పాత్రపైనే సందేహాలు పెరుగుతున్నాయి. అంటే, పోలీసులే రాయి వేయించారని కాదు గానీ, పోలీసుల అసమర్థత వల్లే ఇలాంటి ఘటన జరిగిందనే అభిప్రాయం ఎక్కువమందిలో వినిపిస్తోంది. జనసేనాని పవన్ కల్యాణ్ కూడా ఈ దిశగా చాలా సూటిగా ప్రశ్నలు సంధించారు. అదే సమయంలో విజయవాడ నగర పోలీసు కమిషనర్ కాంతిరాణా టాటా చెబుతున్న మాటలు కూడా పవన్ సందేహాలకు ఊతమిచ్చేవిధంగానే ఉంటున్నాయి.

ఎక్స్ వేదికగా పలు ప్రశ్నలను పవన్ కల్యాణ్ సంధించారు. ‘‘వీవీఐపీ కేటగిరీలో ఉన్నారనే కదా.. సీఎం జగన్ ఎక్కడకు వెళ్లినా పరదాలు కట్టి, చెట్లు కొట్టేసేవారు. అవన్నీ పట్టపగలే నిర్వహించారు కదా. మరి ఏ ఉద్దేశంతో విద్యుత్ కూడా నిలిపివేసి చీకట్లో యాత్ర చేయించారు? బాధ్యుతలైన అధికారులను బదిలీచేసి.. సచ్ఛీలత కలిగిన అధికారులకు విచారణ బాధ్యత అప్పగించాలి. అప్పుడే భద్రత చర్యల్లో లోపాలు ఏమిటి? ఇంటెలిజెన్స్ వైఫల్యం ఏమిటి? తదితర విషయాలు వెలుగులోకి వస్తాయి? రాష్ట్రంలో నిర్వహించిన ఎన్నికలసభల్లో నరేంద్రమోడీ పాల్గొన్నప్పుడే భద్రతపరమైన లోపాలు బయటపడ్డాయి. ఇలాంటి అధికారులు ఉంటే ప్రధాని మరోసారి రాష్ట్రంలో పర్యటించినప్పుడు ఇంతే నిర్లక్ష్యం ప్రదర్శిస్తారు. వీళ్లతో ఎన్నికలు పారదర్శకంగా ఎలా నిర్వహించగలం? ఈ విషయంపై కేంద్ర ఎన్నికల సంఘం, ఏపీ ఎన్నికల ప్రధానాధికారి దృష్టి పెట్టాలి.?’ అని పవన్ కల్యాణ్ కోరుతున్నారు.

అసలు జగన్ మీద రాయి విసరబడిన దుర్ఘటనలకు బాధ్యత వహించాల్సిన అధికారులతోనే విచారణ చేయిస్తే.. నిజాలు ఎలా బయటకు వస్తాయని పవన్ ప్రశ్నిస్తున్నారు. ఈ ఘటనకు సంబంధించి.. డీజీపీ, ఇంటెలిజెన్స్ చీఫ్, విజయవాడ పోలీసు కమిషనర్, జగన్ సెక్యూరిటీ అధికారులపై విచారణ జరపాలని పవన్ ఎక్స్ ద్వారా డిమాండ్ చేస్తున్నారు.

ఆయన ఆరోపణలకు తగ్గట్టుగానే.. కమిషనర్ కాంతిరాణా టాటా కూడా మాట్లాడుతున్నారు. సీఎం బస్సుపైకి ఎక్కి మాట్లాడే అవకాశం ఉన్నది గనుక.. ఆ వీధిలో వైర్లు కత్తిరించి విద్యుత్తు సరఫరా నిలిపివేశామని చెబుతున్నారు. ఒక వీవీఐపీ వస్తోంటే.. రాత్రి వేళ విద్యుత్తు వైర్లు కట్ చేసి, చీకటిమయం చేసేసి భద్రత కల్పించామని భ్రమపడడం చరిత్రలో ఎక్కడైనా ఉంటుందా? అని ప్రజలు ముక్కున వేలేసుకుంటున్నారు. కాంతిరాణా టాటా ఇస్తున్న వివరణే .. పోలీసుల నిర్లక్ష్యానికి నిదర్శనంగా నిలుస్తున్నదని పలువురు అంటున్నారు. 

కాంతిరాణా మాటలతో సరికొత్త సందేహాలు!

జగన్మోహన్ రెడ్డి విజయవాడలో పర్యటించినప్పుడు తగినంత భద్రత కల్పించామని నగర పోలీసు కమిషనర్ కాంతిరాణా టాటా చెబుతున్నారు. జగన్ మీద దాడి జరిగిన తర్వాత రెండోరోజు ప్రెస్ మీట్ నిర్వహించిన ఆయన అధికారుల వైఫల్యానికి సంబంధించి వెల్లువెత్తుతున్న ఆరోపణలకు సంబంధించి వివరణ ఇచ్చే ప్రయత్నం చేశారు. ఏపీ స్పెషల్ ఫోర్స్ నుంచి నాలుగు ప్లాటూన్లతోపాటు, ఆక్టోపస్ టీం, సీఎం సెక్యూరిటీ కూడా ఉణ్నదని చెప్పారు. సీఎం సెక్యూరిటీపై అన్నివర్గాల నుంచి సందేహాలు వ్యక్తమవుతున్న సమయంలో ఈ వివరణ అనివార్యంగి ఇచ్చినట్టుగా ఉంది. అయితే కాంతిరాణా టాటా చెబుతున్న కొన్న విషయాలు కొత్త సందేహాలను పుట్టిస్తున్నాయి. ‘సీఎం యాత్రలో విద్యుత్తు నిలిపివేయడం అనేది సెక్యూరిటీ ప్రోటోకాల్ లో భాగమే అని చెబుతున్నారు. వీవీఐపీలు పర్యటిస్తున్నప్పుడు.. విద్యుత్తు సరఫరాలో అంతరాయం లేకుండా ఉండేందుకు వారి వాహనశ్రేణి వెంట జెనరేటర్ ను కూడా తీసుకువెళ్లడం కొన్ని సందర్భాల్లో గమనిస్తుంటాం. అయితే పోలీసు కమిషనర్ మాత్రం.. వీవీఐపీ ప్రోటోకాల్ లో విద్యుత్తు సరఫరా తీసేయడం ప్రోటోకాల్ లో భాగం అంటున్నారు.

అంతపెద్ద అధికారి చెబుతున్నారు గనుక నిజమే కావొచ్చు. కానీ.. వాహనానికి తగులుతాయనే ఉద్దేశంతో ప్రోటోకాల్ లో భాగంగా విద్యుత్తు వైర్లు మొత్తం కత్తిరించేసిన  అధికారులు.. ఆ చీకట్లో వాహనం మీద నిల్చుని వీవీఐపీ ప్రయాణించడానికి ఎలా అనుమతించారు. చీకట్లో అలా ప్రమాదకరమైన పరిస్థితిలో వీవీఐపీని తీసుకువెళ్లడం కూడా భద్రత ప్రోటోకాల్ లో భాగమేనా? అనే ప్రశ్నలు ప్రజలనుంచి వస్తున్నాయి. జగన్ మీద ఎవడో రాయి విసిరాడు గనుక సరిపోయింది. బలంగా రాయి విసిరాడు అని కమిషనర్ అంటోంటే.. ఎయిర్ గన్ వాడినట్టుగా తెలుస్తోంది అని వైసీపీ దళాలు అంటున్నాయి. ఆ సంగతి పక్కన పెడితే.. రాయి కాకుండా అలాంటి పరిస్థితిలో ఎవడైనా తుపాకీతో కాల్చి ఉంటే పరిస్థితి ఏమిటి? అప్పుడు పోలీసులు ఏం సమాధానం చెబుతారు. చంద్రబాబునాయుడు కాల్పించాడు అని వైసీపీ దళాలు పాట పాడుతాయి సరే.. జరిగిన నష్టానికి బాధ్యత వహించేది ఎవరు? అనేది ప్రజల సందేహం.

వాహనానికి బుల్లెట్ ప్రూఫ్ అద్దాలు బిగించుకున్నారంటేనే.. బుల్లెట్ ద్వారా ఏర్పడగల ప్రమాదాలను అంచనా వేస్తున్నట్టు లెక్క. మరి చీకటిని ఏర్పాటుచేసి.. జనం రద్దీ ఉండే రోడ్డులో, వాహనం మీదికి నాయకుడిని ఎక్కించి తీసుకువెళ్లడానికి పోలీసులు ఎలా అనుమతించారు.. భద్రత ప్రోటోకాల్ అంటేఇదేనా అని ప్రజలు అడుగుతున్నారు.

ఆయన మాట విని జగన్ తప్పు చేశారా?

జగన్మోహన్ రెడ్డి వ్యూహాలు, రాజకీయ ఎత్తుగడలు చాలా సందర్భాల్లో సొంత పార్టీ వారికి కూడా అర్థం కావు. ఆయన ఒక పావును కదిపిన తర్వాత.. తదనుగుణంగా తామందరమూ నడుచుకోవాల్సిందే తప్ప, అలా చేయవద్దని ముందుగా సలహా ఇవ్వడానికి గానీ, దాన్ని దిద్దుకుందాం  అని తర్వాత సూచన చేయడానికి గానీ అవకాశం ఉండదని ఆ పార్టీ నాయకులు చెబుతుంటారు. ఆ క్రమంలో భాగంగానే.. ఒక నాయకుడి మాట విని జగన్ పార్టీకి నష్టదాయకమైన నిర్ణయాలు తీసుకున్నారనే అభిప్రాయాలు పార్టీ వారిలో వినిపిస్తున్నాయి. ఆ నాయకుడు మరెవ్వరో కాదు.. మాజీ మంత్రి అనిల్ కుమార్ యాదవ్. ఆయన దెబ్బకు నెల్లూరులో పార్టీకి నష్టం జరుగుతున్నదనే అభిప్రాయం ఆ జిల్లా కార్యకర్తల్లో వ్యక్తం అవుతోంది.

జగన్మోహన్ రెడ్డి అభ్యర్థుల్ని బదిలీలు చేసే క్రమంలో నరసరావు పేట ఎంపీ కృష్ణదేవరాయల్ని గుంటూరుకు మార్చాలనుకున్నారు. గత అయిదేళ్లలో ఎంపీగా ఆయన నరసరావుపేట పరిధిలో చాలా కష్టపడిపనిచేశారు. ప్రజల్లో నేరుగా చాలా మంచి పేరు తెచ్చుకున్నారు. తమాషా ఏంటంటే.. ఆ ఎంపీ నియోజకవర్గం పరిధిలోని వైసీపీ ఎమ్మెల్యేలు అందరూ కూడా జగన్ ను కలిసి ప్రత్యేకంగా వేడుకున్నా కూడా కృష్ణ దేవరాయలుకు సీటు ఇవ్వడానికి జగన్ ఒప్పుకోలేదు. కృష్ణ దేవరాయలుకు ఉన్న మంచిపేరు కారణంగా, ఆయన అభ్యర్థి కాకపోతే.. తమ విజయావకాశాలపై ప్రభావం పడుతుందని వారు మొరపెట్టుకున్నా జగన్ వినలేదు. ఆయన పార్టీ వీడినా పర్లేదనుకుని బీసీ కార్డు వాడాలనే ఉద్దేశంతో నెల్లూరు ఎమ్మెల్యే అనిల్ కుమార్ యాదవ్ ను తెచ్చి అభ్యర్థిని చేశారు.

అనిల్ కుమార్ వలన.. అప్పటికే నెల్లూరులో పార్టీ గాడితప్పి ఉంది. ఆయన తనను బదిలీచేసేట్లయితే నెల్లూరు సిటీ సీటును తన అనుచరుడికే ఇవ్వాలని పట్టుబడితే జగన్ దానికి తలొగ్గారు. ఆయన కోసం ఒప్పుకున్నారు గానీ.. అదే నెల్లూరు ఎంపీ సీటు నుంచి  పోటీచేస్తున్న వేమిరెడ్డి ప్రభాకర రెడ్డి విజ్ఞప్తిని కన్సిడర్ చేయాలని అనుకోలేదు. వైఎస్సార్ కాలంనుంచి పార్టీకి ఎంతో అండదండగా ఉన్న, ఆర్థికంగా కూడా చేయూతగా ఉన్న వేమిరెడ్డి మాటను ఖాతరు చేయకపోవడం ఆయన ఈగోను దెబ్బతీసింది. ఆయన తెలుగదేశంలో చేరి ఆ పార్టీ తరఫున పోటీచేస్తున్నారు.

కోట్ల రూపాయలు ఖర్చు పెట్టి నెల్లూరు జిల్లా వ్యాప్తంగా ఎప్పటినుంచో అనేకానేక సేవా కార్యక్రమాలు చేస్తూ వచ్చిన, ప్రజలందరిలో మంచి పేరు ఉన్న వేమిరెడ్డిని అనిల్ కోసం నిర్లక్ష్యం చేయడం జగన్ యొక్క అతిపెద్ద తప్పు అంటున్నారు లోకల్ జనం. ఇప్పుడు వేమిరెడ్డి బలం కూడా  తోడవడంతో నెల్లూరు సిటీ సీటునుంచి ఎట్టి పరిస్థితుల్లోనూ తెలుగుదేశం నారాయణ గెలవబోతున్నారని అంటున్నారు. ఇలాంటి దుడుకు నిర్ణయాలకు జగన్ ఇంకా ఎన్నెన్ని నియోజకవర్గాల్లో మూల్యం చెల్లించాల్సి వస్తుందో వేచిచూడాలి. 

కన్నప్ప నుంచి ప్రభాస్‌ పాత్ర గురించి కీలక అప్డేట్‌!

మంచు విష్ణు డ్రీమ్‌ ప్రాజెక్ట్‌ అయిన కన్నప్ప సినిమా పై ఇప్పటికే భారీ అంచనాలు నెలకొన్నాయి. ఈ సినిమాలో ప్రభాస్ నటిస్తున్నాడని తెలిసినప్పటి నుంచి కూడా సినిమా నుంచి ప్రభాస్‌ లుక్‌ కోసం అభిమానులంతా వెయిట్‌ చేస్తున్నారు. ప్రభాస్ ప్రస్తుతం వరుస సినిమాలతో బిజీగా ఉన్నాడు.  ప్రస్తుతం ప్రభాస్ చేస్తున్న క్రేజీ మూవీ “కల్కి 2898AD”. ఈ సినిమా షూటింగ్ శరవేగంగా జరుగుతోంది. కల్కి మూవీ పూర్తి అయిన తర్వాత మారుతీ డైరెక్షన్ లో వస్తున్న రాజాసాబ్ షూటింగ్ ని మొదలు పెడతారు.

అయితే ఈ రెండు సినిమాల గ్యాప్ లో ప్రభాస్ ఒక క్రేజీ ప్రాజెక్ట్ లో నటిస్తున్నాడు. మంచు విష్ణు ప్రతిష్టాత్మకంగా తెరకెక్కిస్తున్న డ్రీమ్‌ ప్రాజెక్ట్‌   ‘కన్నప్ప’లో ప్రభాస్ నటిస్తున్నాడనే విషయం అందరికీ తెలిసిందే. కల్కి 2898 ఏడీ చిత్రం షూటింగ్ పూర్తి కాగానే కన్నప్ప కోసం ప్రభాస్ డేట్స్ ఇవ్వనున్నారని టాక్‌.   అయితే కన్నప్ప చిత్రంలో ప్రభాస్ నటిస్తున్నాడు అని తెలియగానే ఈ చిత్రంలో ప్రభాస్ శివుడి పాత్రలో చేస్తున్నాడని అనుకున్నారు. కానీ, కన్నప్పలో శివుడి పాత్రలో ప్రభాస్ కనిపించడం లేదని ఓ న్యూస్ వైరల్ అవుతుంది.

 అయితే ఈ మూవీలో ప్రభాస్ పాత్ర ఏంటి అనే దాని గురించి ఇప్పటి వరకు ఎవరూ కూడా క్లారిటీ ఇవ్వలేదు. కానీ, ప్రభాస్ మాత్రం శివుడి పాత్ర చేస్తున్నాడు అని అంతా భావిస్తున్నారు. అయితే ఈ విషయం గురించి ఓ క్రేజీ న్యూస్‌ వైరల్‌ అవుతోంది. కన్నప్ప సినిమాలో ప్రభాస్‌ చేసేది శివుని పాత్ర కాదని…అందుకు ప్రభాస్‌ ఒప్పుకోలేదని.. కానీ శివుని ముందు నందీ పాత్ర చేసేందుకు ప్రభాస్‌ రెడీ గా ఉన్నాడని టాక్‌.
దీంతో ప్రభాస్ చేయబోయేది నందీశ్వరుడి పాత్ర అని తెలుస్తుంది.

Shankar’s Elder Daughter Aishwarya’s Star-Studded Wedding; Deets Inside

Indian Maverick director Shankar’s elder daughter, Aishwarya Shankar, married Tarun Karthikeyan in a grand ceremony. The wedding took place in Chennai today, April 15. Aishwarya Shankar married Tarun Karthikeyan in the presence of their loved ones, celebs from the cinema industry, and also political leaders.

The grand wedding was attended by film celebrities, including Superstar Rajinikanth, Kamal Haasan, Vikram, Suriya, Karthi, Maniratnam, Suhasini, Nayanthara, Vignesh Shivan, and several other celebrities from the Indian film industry. Tamil Nadu C.M. M.K. Stakin also graced the wedding of Aishwarya Shankar and Tarun Karthikeyan.

The pictures from the wedding have gained widespread attention since many celebrities attended the wedding. The wedding photos have gone viral and are doing the rounds on the internet. In the photos, we can see Shankar with his family along with Tamil cinema celebrities. Some fans are commenting on the viral photos, “Where is Ram Charan?”

Shankar has two daughters, Aishwarya Shankar and Aditi Shankar, along with a son named Arjith Shankar. Aishwarya Shankar is the eldest daughter of director Shanmugham Shankar. The wedding with Tarun Karthikeyan is her second marriage, following her previous marriage with cricketer Damodaran Rohit, which ended in divorce. 

On the work front, Shankar is gearing up for his much-anticipated next, Game Changer. The film is touted to be a political thriller, starring Global Star Ram Charan and Kiara Advani as the main leads. The film is scheduled to hit theaters in September this year.

Supreme Court Refuse Urgent Hearing On Kejriwal’s Custody

The Supreme Court on declined to consider the plea for an interim release of Delhi Chief Minister Aravind Kejriwal without waiting for the Enforcement Directorate’s reply. It issued notice on a plea by Kejriwal challenging a Delhi High Court order, which upheld his arrest in a money-laundering case in relation to the alleged excise policy scam. Kejriwal was arrested by the Enforcement Directorate on March 21.

A bench comprising justices Sanjiv Khanna and Dipankar Datta issued notice and scheduled the matter for hearing in the week commencing on April 29. Solicitor General Tushar Mehta represented the Enforcement Directorate and senior advocate A M Singhvi represented Kejriwal before the apex court.

Singhvi urged the court to grant a short date for hearing in the matter and pointed out that the first round of elections will begin on April 19 and also emphasized on the election campaign.  The Supreme Court directions came on the day a court in Delhi extended the judicial custody of Kejriwal till April 23.

 Special Judge for the Central Bureau of Investigation (CBI) and Enforcement Directorate (ED), Kaveri Baweja, extended Kejriwal’s custody after he was produced before the court through video-conferencing on the expiry of his period of custody granted earlier.

The ED sought an extension of Kejriwal’s custody, saying the investigation was at a crucial stage.  Kejriwal’s plea in Supreme Court stressed on the timing of his arrest, which happened just few days after the announcement of general elections and the imposition of the Model Code of Conduct.

The plea argued that his arrest provided the ruling party an unfair advantage in the upcoming elections, compromising the principle of free and fair elections. The plea said that petitioner’s arrest will provide the ruling party at the Centre an unjust upper hand in the upcoming elections.

Seeking apex court’s intervention in the matter, the plea argued that Kejriwal’s arrest also constitutes an unprecedented assault on the tenets of democracy based on “free and fair elections” and “federalism”. The plea emphasized that both of these form significant constituents of the basic structure of the Constitution.

The plea argued that the conduct of the BJP after his arrest, demonstrates the way the machinery of law has been harnessed with the ‘oblique object’ of knocking out the political opposition.