టాలీవుడ్‌ యంగ్ టాలెంటెడ్ హీరో నిఖిల్ సిద్దార్థ గురించి ప్రత్యేకంగా చెప్పాల్సిన పని లేదు. ఈ యువ హీరో ఎంచుకునే స్టోరీలన్ని కూడా డిఫరెంట్‌ గా ఉండడంతో యువతను బాగా ఆకర్షించి మంచి హిట్లను సొంతం చేసుకుంటున్నాయి. ఈ యంగ్ హీరో నటిచించిన కార్తికేయ 2 సినిమా పాన్ ఇండియా స్థాయిలో బిగ్గెస్ట్ హిట్ గా నిలిచింది . ఈ సినిమాతో నిఖిల్ సిద్దార్థ మార్కెట్ భారీగా పెరిగింది. ప్రస్తుతం ఈ యంగ్ హీరో భారీ బడ్జెట్ సినిమాలు వరుస లో పెడుతున్నాడు.
ఈ యంగ్ హీరో నటిస్తున్న లేటెస్ట్ పాన్ ఇండియా మూవీ “స్వయంభు”. ఈ చిత్రాన్ని భరత్‌ కృష్ణమాచారి డైరెక్షన్‌ వహిస్తున్నాడు. ఠాగూర్ మధు సమర్పణలో పిక్సెల్‌ స్టూడియోస్ బ్యానర్‌పై భువన్‌, శ్రీకర్ నిర్మిస్తున్న ఈ చిత్రం పాన్ ఇండియా స్థాయిలో తెలుగు, తమిళం, హిందీ, మలయాళం మరియు కన్నడ భాషల్లో గ్రాండ్‌గా విడుదల కానుంది. నిఖిల్ 20 వ సినిమాగా స్వయంభు మూవీ తెరకెక్కుతుంది. ఈ మూవీలో నిఖిల్ సరసన మలయాళ బ్యూటీ సంయుక్త మీనన్‌ హీరోయిన్ గా చేస్తోంది.
అలాగే ఇస్మార్ట్ బ్యూటీ నభా నటేష్ మరో హీరోయిన్ గా నటిస్తుంది . కాగా ఈ మూవీ నుంచి మేకర్స్ రిలీజ్ చేసిన ఫస్ట్‌ లుక్‌ పోస్టర్ ప్రేక్షకులను ఎంతగానో ఆకట్టుకుంది.ప్రస్తుతం ఈ మూవీ శరవేగంగా షూటింగ్ జరుపుకుంటుంది.తా జాగా ఈ సినిమా మేకర్స్ ఓ ఆసక్తికర అప్డేట్ ను అందించారు. స్వయంభు టీం.. ఒక పురాతన కాలం బ్యాక్‌డ్రాప్‌లో సాగే యుద్ధ ఎపిసోడ్‌ను భారీ స్థాయిలో రూపొందిస్తుంది. 12 రోజులపాటు జరుగనున్న ఈ షెడ్యూల్‌ను రూ.8 కోట్ల భారీ బడ్జెట్‌తో షూట్ చేస్తున్నట్లు చిత్ర బృందం వెల్లడించింది . నిఖిల్ యాక్షన్, స్టంట్స్‌తో సాగే ఈ భారీ వార్ సీక్వెన్స్ అద్భుతంగా ఉండబోతుందని మేకర్స్ ట్వీట్ చేశారు.
