ఇటీవల ఒక ఇంట్రస్టింగ్ రూమర్ టాలీవుడ్ లో చక్కర్లు కొడుతోంది. ఐకాన్ స్టార్ అల్లు అర్జున్ – త్రివిక్రమ్ కాంబినేషన్ లో ప్లాన్ చేసిన భారీ ప్రాజెక్ట్ ఆగిపోయిందని, అదే కథను ఇప్పుడు ఎన్టీఆర్ తో చేయబోతున్నారని వినిపించింది. ఈ వార్తలు అభిమానుల్లో క్యూరియాసిటీ పెంచాయి. వాస్తవంగా ఈ వార్తల్లో ఎంత నిజం ఉందో తెలుసుకోవాలని సినీ అభిమానులు ఆసక్తిగా ఎదురు చూస్తున్నారు.
ఇప్పటికే ఈ విషయంపై క్లారిటీ వచ్చింది. ప్రముఖ నిర్మాత సూర్యదేవర నాగవంశీ తన సోషల్ మీడియా ద్వారా ఓ ఆసక్తికరమైన సంకేతాన్ని ఇచ్చారు. తన ఫేవరెట్ హీరో ఒక పవర్ ఫుల్ గాడ్ లా కనిపించనున్నాడని తెలిపారు. అంతేకాదు, కుమారస్వామి పై ఓ పల్లవిగా ఉండే సంధి లాంటి వాక్యాన్ని కూడా షేర్ చేశారు. దాంతో ఈ ప్రాజెక్ట్ అల్లు అర్జున్ కాదని, ఎన్టీఆర్ తోనే జరగబోతుందని టాక్ బలపడుతోంది.
ఇదంతా చూస్తుంటే, త్రివిక్రమ్ – ఎన్టీఆర్ కాంబినేషన్ లోనే ఈ కొత్త సినిమా ఫిక్స్ అయినట్టుగా ఇండస్ట్రీ వర్గాల్లో జోరుగా చర్చ జరుగుతోంది. ఇక ఈ సినిమాపై అధికారిక ప్రకటన ఎప్పుడొస్తుందా అనే ఆసక్తి ప్రేక్షకుల్లో నెలకొంది.
