టాలీవుడ్‌లో ఇటీవల ప్రేక్షకుల ముందుకు వచ్చిన మల్టీస్టారర్ చిత్రం భైరవం ఇప్పుడు ఓటీటీలోకి ఎంట్రీ ఇవ్వబోతోంది. ఈ సినిమాను విజయ్ కనకమేడల డైరెక్ట్ చేస్తే, బెల్లంకొండ శ్రీనివాస్, నారా రోహిత్, మంచు మనోజ్ ప్రధాన పాత్రల్లో కనిపించారు. యాక్షన్‌తో పాటు మాస్ ఎలిమెంట్స్ మిక్స్ చేసిన ఈ డ్రామా థియేటర్స్‌లో మంచి స్పందన పొందింది.
ఇప్పుడు ఆ థ్రిల్ ఓటీటీలో కొనసాగనుంది. ఈ సినిమా స్ట్రీమింగ్ రైట్స్‌ను జీ5 సొంతం చేసుకుంది. జూలై 18 నుంచి ఈ చిత్రం జీ5లో అందుబాటులో ఉంది. థియేటర్‌లో చూడలేకపోయినవారికి ఇది మంచి అవకాశం కానుంది.
భైరవంలో పంచ్ డైలాగ్స్, యాక్షన్ సీన్స్ ప్రేక్షకులను ఆకట్టుకుంటాయని టీమ్ నమ్మకం వ్యక్తం చేస్తోంది. హీరోలతో పాటు అదితి శంకర్, ఆనంది వంటి నటీమణులు కీలక పాత్రల్లో నటించారు. థియేటర్స్‌లో మాస్ ఫీల్ ఇచ్చిన ఈ సినిమా, ఓటీటీలో ఎంతవరకు ప్రేక్షకులను అలరిస్తుందో చూడాలి.
