నందమూరి నటసింహం బాలయ్య హీరోగా ఇపుడు తన కెరీర్ లో 109వ సినిమా “డాకు మహారాజ్” చేస్తున్న విషయం తెలిసిందే. మరి ఈ సినిమాని దర్శకుడు కొల్లి బాబీ తెరకెక్కిస్తుండగా భారీ అంచనాలు ఏర్పడ్డాయి.
ఇక ఈ సినిమా తో పాటు బాలయ్య ఓటిటిలో సెన్సేషనల్ హిట్ టాక్ షో “అన్ స్టాప్పబుల్ సీజన్ 4” చేస్తున్నారు. అయితే ఈ సీజన్లో ఆల్రెడీ చాలా మంది స్టార్స్ వేదిక మీద సందడి చేయగా ఇపుడు యంగ్ హీరోయిన్ శ్రీలీల హాజరు కానున్నట్టుగా తెలుస్తుంది.
ఆల్రెడీ బాలయ్యతో శ్రీలీల వెండితెర పై “భగవంత్ కేసరి” తో స్క్రీన్‌ షేర్‌ చేసుకున్న విషయం తెలిసిందే. ఈ సినిమా తర్వాత మళ్ళీ వీరిద్దరూ ఓటిటి షో కోసం మరోసారి కలవబోతున్నట్లు సమాచారం.
ఇక వీరితో పాటుగా ఈ స్పెషల్ ఎపిసోడ్ లో జాతిరత్నాలు హీరో యంగ్ అండ్ టాలెంటెడ్ నవీన్ పొలిశెట్టి కూడా రాబోతున్నాడంట. మరి ఈ క్రేజీ ఎపిసోడ్ షూటింగ్ ప్రస్తుతం జరుగుతుండగా దీనిపై మరిన్ని వివరాలు తెలియాల్సి ఉంది..
