నందమూరి నటసింహం బాలకృష్ణ ఒకపక్క సినిమాలు చేస్తూనే మరొక పక్క రాజకీయాతో బిజీబిజీగా గడుపుతున్నారు. 2024 ఎన్నికల్లో తెలుగుదేశం పార్టీ తరపున హిందూ ఎమ్మెల్యే అభ్యర్థిగా పోటీ చేసిన ఆయన ముచ్చటగా మూడోసారి భారీ మెజారిటీతో గెలుపొందారు. ఇక ఎన్నికలు పూర్తి కావడంతో ఆయన తన ఫోకస్ అంతా సినిమాల మీదకు మార్చారు. అందుకే ఒక పక్క ఏపీ అసెంబ్లీ సెషన్స్ జరుగుతున్నా సరే ఆయన వాటికి హాజరుకాకుండా తన సినిమా షూటింగ్లో ఫుల్‌ బిజీగా ఉన్నాడు.
ప్రస్తుతానికి బాలయ్య బాబు హీరోగా నటిస్తున్న నందమూరి బాలకృష్ణ 109 సినిమా షూటింగ్ రాజస్థాన్ లో జరుగుతున్న విషయం తెలిసిందే. బాబీ డైరెక్షన్ లో ఈ సినిమాని భారీ బడ్జెట్ తో సితార ఎంటర్టైన్మెంట్ సంస్థతో కలిసి హారిక హాసిని సంస్థ నిర్మిస్తున్న సంగతి తెలిసిందే. సినిమాని అక్టోబర్ లేదా నవంబర్ కి పూర్తి చేసి మంచి విడుదల తేదీకి ఈ సినిమాని రంగంలోకి దింపాలని నిర్మాతలు అనుకుంటున్నారు. ఇక ఈ సినిమా సంగతి పక్కన పెడితే సినిమా అయిపోయిన వెంటనే బాలకృష్ణ రెండు సినిమాలు ఒకేసారి మొదలుపెట్టబోతున్నట్లుగా టాలీవుడ్ వర్గాల్లో ప్రచారం జరుగుతోంది.
అందులో ఒకటి అఖండ 2. ఈ సినిమాని అఖండ ప్రొడ్యూసర్ మిరియాల రవీందర్ రెడ్డి కాకుండా 14 రీల్స్ ప్లస్ ఎంటర్టైన్మెంట్ సంస్థకు చెందిన గోపి ఆచంట, రామ్ ఆచంట నిర్మించబోతున్నట్లుగా సమాచారం. ఈ సినిమాతో బాలకృష్ణ చిన్న కుమార్తె తేజస్విని నిర్మాణ రంగంలోకి అడుగుపెడుతున్న సంగతి తెలిసిందే. ఆమె ఈ సినిమాకి కో ప్రొడ్యూసర్ గా వ్యవహరించబోతున్నారు. ఈ బోయపాటి సినిమాతో పాటు బాలకృష్ణ మరొక సినిమా కూడా మొదలు పెట్టబోతున్నట్లుగా సమాచారం. దిల్ రాజు నిర్మించబోతున్న ఈ సినిమాకి దర్శకుడు ఎవరు అనే విషయం మీద ప్రస్తుతానికి ఇంకా సస్పెన్స్ కొనసాగుతోంది. కాబట్టి మూవీ అనౌన్స్ చేసే సమయంలో డైరెక్టర్ ఎవరు అనే విషయం మీద క్లారిటీ వచ్చే అవకాశాలు కనిపిస్తున్నాయి.
ఇక బాలకృష్ణ ఊపు చూస్తుంటే కుర్ర హీరోలతో పోటీ పడుతున్నాడా అని అనిపిస్తుంది. అయితే కుర్ర హీరోలే ఆచితూచి సినిమాలు చేస్తుంటే బాలకృష్ణ మాత్రం మంచి జోష్ లో సినిమాలు చేస్తూ వరుస హిట్లు కొడుతూ ముందుకు దూసుకుపోతున్నాడు.
