ప్రస్తుతం టాలీవుడ్ సీనియర్ హీరోలలో జోరు మీద ఉన్న హీరో అంటే నందమూరి నటసింహం బాలకృష్ణ. అఖండ సినిమాకు ముందు ఉన్న బాలయ్య వేరు ఆ తర్వాత బాలయ్య బాబు వేరు. వరుస సినిమాలు ఒకదానికొకటి సూపర్ హిట్లతో దూసుకెళ్తున్నాడు బాలయ్య బాబు. ఆహాలో ప్రసారమైన అన్‌స్టాపబుల్‌ ఈ హీరో ఇమేజ్ ను మార్చేసి ఎక్కడికో తీసుకువెళ్లింది. అటు హీరోగానే కాకుండా..ఇటు వ్యాఖ్యతగా కూడా బాలయ్య తన రేంజ్‌ ఫెర్ఫామెన్స్‌ ఇచ్చాడు.
ప్రస్తుతం బాబీ డైరెక్షన్‌ లో బాలయ్య బాబు ‘వీరమాస్’ సినిమాలో నటిస్తున్నాడు. తాజాగా టాలీవుడ్ లో ఓ న్యూస్ గట్టిగా వినిపిస్తోంది. బాలయ్య బాబు హీరోగా ఓ సినిమా రీమేక్ చేస్తున్నారు అనేది ఆ వార్త అంశం. ఇటీవల మలయాళంలో ఫహద్ ఫాసిల్ నటించిన బ్లాక్ బస్టర్ సినిమా ‘ఆవేశం’. ఎటువంటి హైప్ లేకుండా వచ్చిన ఈ సినిమా సూపర్ హిట్ అందుకుంది. రికార్డు స్థాయి వసూళ్లు రాబట్టింది. కాగా ఈ సినిమాను బాలయ్యతో రీమేక్ చేయాలని మైత్రీ మూవీస్ రీమేక్ హక్కులను కొనుగోలు చేశారు.
ఈ రీమేక్ భాద్యతలను దర్శకుడు హరీష్ శంకర్ కు అప్పగించనున్నారని సమాచారం. ఇటీవల కాలంలో బాలయ్య బాబు రీమేక్‌ల జోలికి వెళ్లలేదు. గత 20 ఏళ్లుగా బాలయ్య బాబు చాలా వరకు రీమేక్ లకు దూరంగా ఉంటూ వచ్చారు. చివరగా బాలకృష్ణ నటించిన రీమేక్ సినిమా జయంత్ సి పరాన్జీ దర్శకత్వంలో వచ్చిన `లక్ష్మీ నరసింహ`. ఆ సినిమా సూపర్ హిట్ సాధించింది. అయితే ఆవేశం రీమేక్ లో బాలయ్య నటిస్తే చాలా బాగుంటుందని ఇండస్ట్రీ సర్కిల్స్ విపిస్తోంది.
