సూపర్‌ స్టార్ రజినీకాంత్‌ హీరోగా నెల్సన్‌ దిలీప్‌ కుమార్‌ డైరెక్షన్‌ లో రూపుదిద్దుకున్న సినిమా ‘జైలర్‌’ . ఈ సినిమా భారీ విజయాన్ని సాధించిన విషయం తెలిసిందే. ప్రస్తుతం ఈ చిత్రానికి సీక్వెల్‌ను తీయబోతున్నట్లు చిత్ర బృందం ప్రకటించిన విషయం తెలిసిందే అందుకోసం స్క్రిప్ట్‌ను సిద్ధం చేసే పనిలో దర్శకుడు నెల్సన్‌ దిలీప్‌ కుమార్‌ బిజీగా ఉన్నారు.
తాజా సమాచారం ప్రకారం ఈ సీక్వెల్‌లో అగ్ర హీరో బాలకృష్ణ కీలక అతిథి పాత్రలో నటించబోతున్నారని సమాచారం.గ్యాంగ్‌స్టర్‌గా ఆయన పాత్ర సినిమాలో కీలకంగా ఉంటుందని చిత్ర బృందం తెలిపింది. తొలిభాగంలో మోహన్‌లాల్‌, శివరాజ్‌కుమార్‌ అతిథి పాత్రల్లో మెరిశారు. వారి పాత్రలకు మంచి ప్రశంసలు లభించాయి. ఈ నేపథ్యంలో సీక్వెల్‌లో బాలకృష్ణ గెస్ట్‌రోల్‌లో కనిపించనుండటం ప్రాధాన్యతను సంతరించుకుంది.
