నందమూరి నటసింహం బాలయ్య – దర్శకుడు బాబీ కాంబోలో “డాకు మహారాజ్” సినిమా వస్తున్న సంగతి తెలిసిందే. ఈ సినిమా జనవరి 12, 2025న గ్రాండ్ విడుదలకి సిద్ధంగా ఉంది. విడుదల తేదీ దగ్గర పడుతున్న తరుణంలో.. బాలకృష్ణ ‘డాకు మహారాజ్’లోని తన పాత్రకు డబ్బింగ్ చెప్పడం పూర్తి చేసేశారని తెలుస్తుంది.
ఇక డిసెంబర్ 15 నుండి నాన్-స్టాప్ అప్‌డేట్‌లతో ప్రమోషన్‌లను ప్లాన్ చేయాలని మేకర్స్ అనుకుంటున్నారు. ముఖ్యంగా సినిమా పై బజ్‌ని మరింతగా పెంచేలా సాంగ్స్ విడుదల విషయంలో జాగ్రత్తలు తీసుకోబోతున్నారు. కాగా ఈ చిత్రంలో శ్రద్ధా శ్రీనాథ్, ఊర్వశి రౌతేలా కథానాయికలుగా చేశారు.
చాందినీ చౌదరి ఈ సినిమాలో కీలక పాత్రలో చేస్తుంది. ఇక ఈ చిత్రానికి తమన్ సంగీతం అందిస్తుండగా బాబీ డియోల్ మరో కీలక పాత్రలో యాక్ట్‌ చేస్తున్నాడు. అన్నట్టు ఈ సినిమా కచ్చితంగా బాలయ్య అభిమానులకి ఫుల్ మీల్స్ ఇచ్చేలా దర్శకుడు బాబీ ఈ సినిమాని తెరకెక్కిస్తున్నాడు.
