నందమూరి బాలకృష్ణ ప్రధాన పాత్రలో తెరకెక్కుతున్న అఖండ 2 చిత్రం ప్రస్తుతం వేగంగా చిత్రీకరణ దశను పూర్తిచేస్తోంది. ఈ సినిమా కోసం అభిమానులు ఎంతగానో ఎదురుచూస్తున్నారు. జూన్ 10న బాలయ్య పుట్టినరోజు ఉండటంతో, ఆ స్పెషల్ డేకి ముందే ఆయన సినిమాల నుంచి విపరీతమైన సర్‌ప్రైజ్‌లను ప్లాన్ చేస్తున్నారు.
ఈ క్రమంలో ఒక అంచనా వేయలేని ట్రీట్‌ను అభిమానులకు అందించేందుకు తయారవుతున్నారు. బాలయ్య నటించిన పాపులర్ మాస్ మూవీ ‘లక్ష్మీ నరసింహా’ మళ్లీ థియేటర్లలోకి రాబోతుంది. ఈ రీరిలీజ్‌ జూన్ 7నుంచి ప్రారంభం కానుందని అధికారికంగా ప్రకటించారు. అంటే బాలయ్య పుట్టినరోజు దగ్గర పడుతుండగా, ఈ సినిమా మరోసారి వెండితెరపై సందడి చేయనుంది.
అప్పట్లో భారీ విజయాన్ని అందుకున్న ఈ సినిమాకు జయంత్ సి పరాన్జీ దర్శకత్వం వహించగా, మణిశర్మ సంగీతాన్ని అందించారు. ఇప్పుడు మళ్లీ ప్రేక్షకుల ముందుకు రావడం సినిమాపై ఉన్న ప్రేమను బలంగా చూపుతుంది. ఈ రీ రిలీజ్‌కు ఎలా స్పందన వస్తుందో చూడాలి.
