నందమూరి బాలకృష్ణ బాబీ దర్శకత్వంలో ఎన్బీకే 109 సినిమా చేస్తున్న విషయం తెలిసిందే. ప్రస్తుతం ఈ సినిమా షూటింగ్‌ హైదరాబాద్ లోని రామోజీ ఫిలీం సిటీలో జరుగుతుంది. ఇప్పటికే ఈ చిత్రం నుంచి విడుదలైన ఫస్ట్‌ గ్లింప్స్ అభిమానులకు పునకాలు తెప్పించేలా ఉన్నాయి. మండుతున్న వాహనంలో నుంచి దిగి శత్రువులను చెండడుతూ…బాలయ్య బాబు చెప్పిన డైలాగ్‌ అయితే వేరే లెవల్ అంతే.
ఇదిలా ఉంటే బాలయ్య కొన్నాళ్ల పాటు సినిమాలకు బ్రేక్ ఇవ్వనున్నట్లు సమాచారం. ఏపీలో ఎన్నికలు సమీపిస్తున్న తరుణంలో ఆయన ఈ నిర్ణయం తీసుకున్నట్లు తెలుస్తుంది. బాలకృష్ణ హిందూపురం నియోజకవర్గం నుంచి ఎమ్మెల్యేగా పోటీ చేస్తున్న విషయం తెలిసిందే.
ఈ క్రమంలోనే ఆయన సినిమాలకు బ్రేక్ ఇచ్చి ఎన్నికల ప్రచారంలో పాల్గొనబోతున్నట్లు తెలుస్తుంది.
శనివారంతో బాబి సినిమా పోరాట సన్నివేశాల చిత్రీకరణ పూర్తవుతున్న నేపథ్యంలో ఆదివారం విశ్రాంతి తీసుకుని సోమవారం నుంచి హిందూపుర్‌ వెళ్లిపోనున్నారని సమాచారం. ఈ సినిమాలో మలయాళం నటుడు దుల్కర్‌ సల్మాన్‌ కూడా నటిస్తున్నట్లు చాలా కాలం నుంచి వినిపిస్తున్న టాక్‌.
అయితే ఇప్పటి వరకు ఆయన ఈ సినిమా చిత్రీకరణలో ఎక్కడ కూడా ఎంటర్ అవ్వలేదు. బాలయ్య బాబు బ్రేక్ సమయంలో ఆయన కానీ డేట్స్ ఇస్తే ఆయన మీద కీలక సన్నివేశాలు చిత్రీకరించడానికి చిత్ర బృందం రెడీ గా ఉంది. ఈ చిత్రంలో బాలీవుడ్‌ భామ ఉర్వశి రౌతేలా పవర్‌ ఫుల్‌ పోలీస్‌ ఆఫీసర్‌ పాత్రలో నటిస్తుంది. బాలయ్య బాబు పక్కన శ్రద్ద శ్రీనాథ్‌ హీరోయిన్‌ గా నటిస్తుందని ఇంకో టాక్‌ వినిపిస్తుంది.
