ఇప్పుడు భారతీయ సినిమాను అంతర్జాతీయ స్థాయిలో గుర్తింపు తీసుకొచ్చిన సినిమాల్లో ముందు చెప్పాల్సింది బాహుబలి సిరీస్. ఈ సిరీస్ ఇప్పుడు మరోసారి ప్రేక్షకుల ముందుకు రావడానికి సిద్ధమవుతోంది, అది కూడా కొత్త ఫార్మాట్‌లో. ప్రభాస్ ప్రధాన పాత్రలో, రాజమౌళి దర్శకత్వంలో తెరకెక్కిన ఈ రెండు భాగాల సినిమా ఇప్పుడు ఒకే భాగంగా, “బాహుబలి ది ఎపిక్” పేరుతో విడుదల కాబోతుంది.
ఈ స్పెషల్ ఎడిషన్ అనౌన్స్‌మెంట్ వచ్చిన వెంటనే, బుక్ మై షో లాంటి టికెట్ ప్లాట్‌ఫామ్‌లపై చాలా వేగంగా రిజర్వేషన్లు మొదలయ్యాయి. సాధారణంగా ఓ రీ-రిలీజ్ అయితే అంత ఆసక్తి ఉండదు కానీ బాహుబలి విషయంలో మాత్రం ప్రేక్షకుల రెస్పాన్స్ అసాధారణంగా ఉంది. కొత్తగా వచ్చిన సినిమా లా టికెట్లు బుక్ అవుతుండటం గమనార్హం.
ఇంకా ఆశ్చర్యంగా ఉందేమిటంటే, బాలీవుడ్‌లో ముందే ప్రకటించిన భారీ ప్రాజెక్ట్ “రామాయణ” పై ఉన్న అంచనాలను కూడా బాహుబలి క్రాస్ చేస్తోంది. అంటే ఈ సినిమా మీద ఇంకా ఎంత క్రేజ్ ఉందో చెప్పడానికి ఇదే నిదర్శనం. ప్రేక్షకులు ఈ ఎపిక్‌ను మళ్లీ పెద్ద స్క్రీన్ పై చూసేందుకు ఎంతలా ఆసక్తిగా ఉన్నారో టికెట్ బుకింగ్స్ చూస్తే స్పష్టంగా అర్థమవుతుంది.
ఇక ఈ స్పెషల్ ఎడిషన్ ఎలా ఉంటుందో, ఏ విధంగా మళ్లీ మాయ చేయబోతుందో తెలుసుకోవాలంటే ఈ అక్టోబర్ 31 వరకు ఎదురుచూడాల్సిందే. అప్పటి వరకు మాత్రం ఈ రీ-ఎంట్రీపై క్రేజ్ తగ్గేలా లేదు.
