పుష్ప 2 విడుదల తేదీ ఎప్పుడో లాక్‌ అయిపోయిన సంగతి తెలిసిందే. డిసెంబర్‌ 6న పాన్‌ ఇండియా బద్దలైపోనున్నట్లు తెలుస్తుంది. కానీ సినిమా షూటింగ్ విషయంలో మాత్రం చాలా అనుమానాలున్నాయి. తాజా సమాచారం ప్రకారం..అక్టోబర్ చివరికి టోటల్‌ టాకీ కూడా పూర్తయ్యేలా ప్లాన్‌ చేస్తున్నారని తెలుస్తుంది.
ఆ తర్వాత పోస్ట్ ప్రొడక్షన్‌పై ఫోకస్ పెట్టనున్నాడు సుక్కు మాస్టర్. పుష్ప షూటింగ్ అక్టోబర్‌లో అయిపోతుంది కాబట్టి.. మరి ‘ఐకాన్ స్టార్’ అల్లు అర్జున్ నెక్స్ట్ సినిమా ఏంటి? అనేది తెలియాల్సి ఉంది. ఇప్పటికే బన్నీతో సందీప్ రెడ్డి వంగ, త్రివిక్రమ్ శ్రీనివాస్ సినిమాలు ప్రకటించిన సంగతి తెలిసిందే. సందీప్ సినిమా మొదలు కావడానికి మరో 3-4 ఏళ్ల సమయం పట్టేలా ఉంది. దాంతో త్రివిక్రమ్ సినిమా సెట్స్ పైకి అతి త్వరలోనే వెళ్లనుంది.
కానీ ఐకాన్ స్టార్‌తో సినిమా చేసేందుకు స్టార్ డైరెక్టర్ అట్లీ కూడా వరుసలో ఉన్నాడు. అయితే ఆ మధ్య ఈ ప్రాజెక్ట్ ఆగిపోయినట్టుగా సోషల్ మీడియాలో వార్తలు షికార్లు చేశాయి. కానీ ఈ క్రేజీ కాంబో క్యాన్సిల్ కాలేదని ఈ మధ్య ఓ క్లారిటీ వచ్చేసింది. ప్రస్తుతం ఈ సినిమాకు సంబంధించిన చర్చలు జరుగుతున్నట్టుగా తెలుస్తోంది. అసలు సినిమా ఉంటుందా?.. ఉండదా.. అనేది మరో రెండు మూడు రోజుల్లో తెలిసిపోతుందట. అట్లీ సినిమా ఓకే అయితే.. త్రివిక్రమ్ సినిమా కంటే ముందే మొదలయ్యే ఛాన్స్ లేకపోలేదు.
షారుఖ్ ఖాన్ ‘జవాన్‌’ మూవీతో వెయ్యి కోట్ల క్లబ్‌లో ఎంటర్ అయిన అట్లీ నెక్స్ట్ ప్రాజెక్ట్ కోసం మూవీ లవర్స్ ఎంతో ఆసక్తికరంగా ఎదురుచూస్తున్నారు. ఈ నేపథ్యంలో పుష్ప 2 వంటి క్రేజీ ప్రాజెక్ట్ తర్వాత అట్లీతో బన్నీ సినిమా ఉంటే.. మామూలుగా ఉండదు మరి. బన్నీ కెరీర్లోనే అత్యంత భారీ బడ్జెట్‌తో ఈ ప్రాజెక్ట్ ఉండనున్నట్లు సమాచారం. అయితే ఈ ప్రాజెక్ట్ కన్ఫర్మేషన్ వచ్చే వరకు ఎదురు చూడాల్సిందే.
